Same 22:1-31
Vei koya na dairekita. Na kena ilagalaga—“Dia yalewa ena kida ni mataka.” Na sere i Tevita.
22 Noqu Kalou, noqu Kalou, na cava oni sa biuti au kina?+
Cava oni sega ni vakabulai au kina,Oni sega ni rogoca noqu tagi ni yaluma?+
2 Noqu Kalou, au kaci ena siga, oni sega ni rogo mai,+Au sega tale ga ni galu ena bogi.
3 Ia oni savasava,+E voliti kemuni na nodra vakacaucau na Isireli.
4 Era vakanuinui vei kemuni na tamai keimami,+Era nuitaki kemuni, oni qai dau vakabulai ira.+
5 Era a tagi vei kemuni, ra qai vakabulai,Era nuitaki kemuni, ra qai sega ni rarawa.*+
6 Ia au bacaniqele, sega ni tamata,Era beci au na tamata ra qai cati au na lewenivanua.+
7 O ira kece na raici au, era dredrevaki au,+Era veivakalialiai, ra qai kurea na uludra ena veibeci:+
8 “E tataunaki koya tu vei Jiova. Laiva me vueti koya!
Me vakabulai koya, ni rui talei vua o koya!”+
9 O kemuni ga oni kauti au mai na katonigone,+Oni vakacegui au ena sucu i tinaqu.
10 Niu se qai sucu au sa tataunaki tu vei kemuni,*Oni sa noqu Kalou niu se tu ena katonigone i tinaqu.
11 Ni kua ni yawaki au, ni sa voleka mai na leqa+Qai sega tale ni dua me vukei au.+
12 Era voliti au e levu na luvenibulumakau tagane,+Era wavokiti au na bulumakau tagane kaukaua kei Pasani.+
13 Era dalaga vakalevu vei au,+Me vaka na laione e tagi tiko ni basuraka vakamatailalai na kena.+
14 Au sa liviraki yani me vaka na wai,E veisivi kece na suiqu.
Sa vaka mai na drega* na lomaqu,+Sa waicala sara e lomaqu.+
15 Sa mamaca mai na noqu kaukaua me vaka na iyaya tuli,+Sa kabita na vu ni batiqu na yamequ,+Oni kauti au sobu ena kuvuniqele ni mate.+
16 Nira sa wavokiti au na koli,+Era volekati au mai me vaka e dua na ilala tamata ca,+Me vaka na laione, era sa tu ena ligaqu kei na yavaqu.+
17 Au rawa ni wilika kece na suiqu.+
Era vakararai tu qai wanonovi au.
18 Era wasea na noqu isulu ena kedra maliwa,Era qai vakawirimadigitaka na noqu isulu.+
19 Ia o kemuni Jiova, ni kua ni yawaki au tiko ga.+
O kemuni ga na noqu kaukaua, ni totolo mai moni vukei au.+
20 Ni vakabulai au mai na iseleiwau,Na noqu bula vakamareqeti mai na yava ni koli,+
21 Ni vakabulai au mai na gusu ni laione,+ kei na ileu ni bulumakau tagane kila,Ni rogoci au qai vakabulai au.
22 Au na tukuna na yacamuni vei ira na taciqu,+Au na vakacaucautaki kemuni ena loma ni ivavakoso.+
23 O kemuni na rerevaki Jiova, ni vakacaucautaki koya!
O kemuni kece na kawa i Jekope, ni vakalagilagi koya!+
Ni duri moni qoroi koya na kawa kece ni Isireli.
24 Ni sega ni beca se sevaka na rarawa i koya e vakaloloma tu,+E sega ni vunia na matana vua.+
Ni tagi me kere veivuke vua, e rogoca o koya.+
25 Au na vakacaucautaki kemuni ena ivavakoso levu,+Au na vakayacora na noqu bubului e matadra na rerevaki koya.
26 Era na kana qai mamau na yalomalua,+O ira na vaqarai Jiova era na vakacaucautaki koya.+
Mo marautaka mada ga na bula* me tawamudu.
27 Na iyalayala kece kei vuravura era na nanuma qai golevi Jiova.
Na vuvale kece mai na veimatanitu era na cuva e matamuni.+
28 Ni sa nei Jiova na itutu vakatui,+E lewai ira na veimatanitu.
29 Na vutuniyau* kece e vuravura era na kana qai cuva,O ira kece na lako sobu ina kuvuniqele era na tekiduru e matana,E sega ni dua vei ira me maroroya rawa na nona bula.
30 Na nodra kawa era na qaravi koya,Ena tukuni na veika me baleti Jiova ina itabatamata e muri mai.
31 Era na lako mai qai tukuna na nona yalododonu.
Era na qai tukuna vei ira na se bera ni sucu na veika sa cakava o koya.
iVakamacala e ra
^ Se “sega ni vakamadualaki.”
^ Ipe., “viritaki vei kemuni.”
^ Rairai dusia na ka e bulia na oni me tawa kina na denioni, ia e waicala rawarawa.
^ Ipe., “Me bula mada ga na lomamuni.”
^ Ipe., “o ira na levulevu.”
