Same 26:1-12
Na same i Tevita.
26 Ni lewai au i Jiova, niu lako voli ena noqu yalodina,+Noqu vakararavi vei Jiova e sega ni yavalati.+
2 Ni vakadikevi au Jiova, ni vakatovolei au,Ni vakasavasavataka noqu vakanananu titobu* kei na lomaqu.+
3 Ni tu ga e mataqu na dei ni nomuni loloma,Au lako tale ga ena nomuni dina.+
4 Au sega ni vakailala* kei ira na dau veidabui,+Au yawaki ira tale ga na vunitaka na kedra roka dina.*
5 Au cati ira na ilala tamata ca,+
Au bese tale ga ni vakailala* kei ira na daucaka ca.+
6 Au na vuluvulu niu sega ni cala,Au na qai lako wavokita na nomuni icabocabonisoro, i Jiova,
7 Me rogo kina na vakavinavinaka+Qai tukuni yani na nomuni cakacaka veivakurabuitaki kece.
8 I Jiova, au taleitaka na vale oni tiko kina,+Na vanua e tiko kina na kemuni lagilagi.+
9 Ni kua ni taviraki au laivi kei ira na valavala ca+Se kauta tani noqu bula kei ira na tamata voravora,*
10 E vakaitavi na ligadra ena ivalavala vakamadua,Qai sinai ena ligadra imatau na veivaqumi.
11 Ia o yau, au na lako ena noqu yalodina.
Ni vakabulai au,* ni nanumi au.
12 E tu na yavaqu ena vanua tautauvata,+Au na vakacaucautaki Jiova ena ivavakoso levu.*+
iVakamacala e ra
^ Se “vakasavasavataka na lomaqu sara mai loma.” Ipe., “noqu ivi.”
^ Ipe., “dabe.”
^ Se “Au sega ni veimaliwai kei ira na dauveivakaisini.”
^ Ipe., “ni dabe.”
^ Se “kei ira na dauvakadavedra.”
^ Ipe., “Ni volia lesu.”
^ Ipe., “ena isoqosoqo.”
