Same 31:1-24
Vei koya na dairekita. Na sere i Tevita.
31 Vei kemuni Jiova, au vakaruru kina.+
Meu kua vakadua ni vakamadualaki.+
Ni vakabulai au ena vuku ni nomuni yalododonu.+
2 Ni vakala mai na daligamuni vei au.*
Ni kusa mai moni vakabulai au.+
Moni mai noqu bai kaukaua ena ulunivanua,Na vanua taqomaki vinaka meu vakabulai kina.+
3 Ni oni noqu uluvatu qai noqu bai kaukaua,+
Oni na tuberi au qai dusimaki au+ ena vuku ni yacamuni.+
4 Oni na sereki au mai na lawa era biuta lo ena vukuqu,+Ni oni noqu ivunivuni.+
5 Au sa solia na noqu bula* ina ligamuni.+
Oni sa voli au lesu, i Jiova na Kalou daudina.*+
6 Au cati ira na sokaloutaka na matakau tawayaga qai macawa,Ia o yau, au nuitaki Jiova.
7 Au na marau vakalevu ena dei ni nomuni loloma,Ni oni sa raica na noqu rarawa,+Oni kila tu na levu ni noqu leqa.
8 Oni sega ni soli au vua na meca,Ia oni vakavuna meu tu ena vanua ni veitaqomaki.*
9 Ni lomani au, i Jiova, niu sa rarawa tu.
Na yaluma sa vakamalumalumutaka na mataqu+ kei na yagoqu taucoko.+
10 Sa kania na noqu bula na rarawa+Kei na noqu veiyabaki na vutugu.+
Sa seavu na noqu kaukaua ena vuku ni noqu cala,Sa malumalumu na suiqu.+
11 Era beci au na kequ meca kece,+Vakabibi o ira na tiko volekati au.
Era qai domobulataki au na noqu veikilai,Nira raici au e matanalevu, era drovaki au.+
12 Au biu tani mai lomadra* qai guilecavi me vaka ga au sa mate,Au sa vaka na saqa kavoro.
13 Au rogoca e levu na itukutuku ca,Sa voliti au na rere.+
Nira soqoni vata mai mera saqati au,Era bukivere mera kauta laivi na noqu bula.+
14 Ia au nuitaki kemuni, i Jiova.+
Au kaya: “Oni noqu Kalou.”+
15 Sa tu ga e ligamuni na noqu siga.*
Ni vueti au mai na ligadra na kequ meca, vei ira tale ga na vakacacani au tiko.+
16 Me serau na matamuni vua na nomuni dauveiqaravi.+
Ni vakabulai au ena dei ni nomuni loloma.
17 I Jiova, meu kua ni vakamadualaki niu kaci yani vei kemuni.+
Me vakamadualaki na daucaka ca,+Mera vagalui ena iBulubulu.*+
18 Mera vagalui na tebenigusu daulasu,+Na tebenigusu era vosa vakaviavialevu vei ira na yalododonu, era dokadoka qai veibeci.
19 Sa vuabale na nomuni yalovinaka!+
Oni maroroya tu me nodra na rerevaki kemuni,+Oni sa vakaraitaka e matadra na tamata kece, ena vukudra na vakaruru tiko vei kemuni.+
20 Oni na tabonaki ira ena vanua vuni oni tiko kina+Mai na nodra bukivere na tamata,Oni na vunitaki ira ena nomuni ivakaruruMai na vakacaca mosimosi.*+
21 Me vakacaucautaki o Jiova,E vakaraitaka vei au ena sala vakasakiti na dei ni nona loloma+ ena koro sa wavokiti tu.+
22 Ia o yau, au a taqaya qai kaya:
“Au na kawaboko mai matamuni.”+
Ia oni rogoca na noqu tagi ni kere veivuke vei kemuni.+
23 Lomani Jiova, o kemuni kece na yalodina vua!+
O Jiova e dau taqomaka na yalodina,+Ia e veisausaumi vakalevu vei koya e vakaraitaka na dokadoka.+
24 Ni yaloqaqa, me dei na lomamuni,+O kemuni kece na waraki Jiova tiko.+
iVakamacala e ra
^ Se “Ni cuva sobu qai vakarorogo.”
^ Ipe., ruʹach, kena ibalebale “na igu ni bula.”
^ Se “na Kalou yalodina.”
^ Se “ena vanua vakacirigalala.”
^ Se “mai na nodra vakasama.”
^ Ipe., “gauna.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Ipe., “Mai na yame dauveiba.”
