Same 37:1-40
Na same i Tevita.
א [Alefa]
37 Kua ni rarawa* ena vukudra na tamata ca.
Se vuvutaki ira na daucakacala.+
2 Era na malai totolo ga vaka na co+Qai raqosa yani vaka na co vou e drokadroka.
ב [Peca]
3 Nuitaki Jiova qai cakava na ka vinaka,+Vakaitikotiko ga e vuravura* qai cakacaka ena yalodina.+
4 Mo rekitaki Jiova,*Ena qai solia vei iko na veika e gadreva na lomamu.
ג [Kimela]
5 Tataunaka na nomu sala vei* Jiova,+Vakararavi vua, ena qai yavala ena vukumu o koya.+
6 Ena vakavuna me serau vaka na kida ni mataka na nomu yalododonu,Me vaka tale ga na matanisiga ena sigalevu tutu na nomu lewadodonu.
ד [Teleca]
7 Galu tiko ga ena mata i Jiova+Qai waraki koya ena vakanuinui.*
Kua ni rarawataka na tamataE rawaka ni vakayacora na nona lalawa.+
ה [Ai]
8 Mo biuta na cudru qai vakanadakuya na katakata,+Kua ni rarawa qai goleva na caka ca.*
9 Nira na vakarusai laivi na daucaka ca,+Ia o ira na dau nuitaki Jiova era na taukena na vuravura.+
ו [Vau]
10 Malua mada vakalailai, sa na sega vakadua na daucaka ca,+O na rai ena vanua era tu kina e liu,Era na yali kina.+
11 Ia era na taukena na vuravura na yalomalumalumu,+Era na kunea na marau vakasakiti ena levu ni vakacegu.+
ז [Sayini]
12 Na daucaka ca e dau bukia na kena vere na yalododonu,+E vaqurubati vua.
13 Ia o Jiova ena dredrevaki koya,Ni kila o koya ni na yaco mai na nona siga.+
ח [Eca]
14 Era ucuna mai na nodra iseleiwau na daucaka ca, ra qai loveca* nodra dakaititiMera vakabalei kina na vakaloloma kei na dravudravua,Mera vakamatei kina o ira e dodonu na nodra sala.
15 Ia na nodra iseleiwau ena suaka na lomadra,+Na nodra dakaititi ena musulaki.
ט [Teca]
16 E vinaka sara na ka lailai e tu vua na yalododonuMai na ka e bini tu vei ira e levu na daucaka ca.+
17 Ni na musuki na ligadra na daucaka ca,Ia ena tokoni ira na yalododonu o Jiova.
י [Yota]
18 E kila vinaka o Jiova na ka era sotava na tamata tawacala,*Ena sega ni mudu na nodra ivotavota.+
19 Era na sega ni vakamadualaki ena gauna ni leqa,Era na bula sautu ena gauna ni dausiga.
כ [Kafa]
20 Ia era na rusa na daucaka ca,+Era na yali na meca i Jiova me vaka na veico bulabula,Era na yali vaka na kubou.
ל [Lameta]
21 E dau dinau na daucaka ca qai sega ni sauma lesu,Ia na yalododonu e yalosavu* qai dau lomasoli.+
22 Era na taukeni vuravura o ira na vakalougatataki mai vua,Ia era na vakarusai laivi o ira na cudruvi mai vua.+
מ [Memi]
23 O Jiova e dusimaka* na ilakolako ni tamata+Ni kunea o Koya na marau ena nona sala.+
24 Ke bale mada ga o koya, ena sega ni davo vakatoboicu,+Ni tokoni koya o Jiova ena ligana.+
נ [Nuni]
25 Au a gone, qo au sa qase,Ia au sega ni raica e dua na yalododonu me biu wale tu,+Se ra vaqara madrai* na luvena.+
26 E dau soli ka vakarawarawa o koya,+Era na vakalougatataki tale ga na luvena.
ס [Sameki]
27 Gole tani mai na ca qai cakava na ka vinaka,+O na qai tu ga me sega ni mudu.
28 Ni taleitaka na lewadodonu o Jiova,Ena sega ni biuti ira na nona tamata yalodina.+
ע [Ayini]
Era na taqomaki tiko ga,+Ia na kawa ni daucaka ca ena vakarusai laivi.+
29 O ira na yalododonu era na taukena na vuravura,+Era na qai bula tawamudu kina.+
פ [Pe]
30 Na gusuna na yalododonu e tukuna tu ga na vuku,*Na yamena tale ga e tukuna na lewadodonu.+
31 Sa tu ga e lomana+ na lawa ni Kalou,Ena sega ni tataivatia na nona ilakolako.+
צ [Sati]
32 Na daucaka ca e vakaraica voli na yalododonu,E saga tiko me vakamatei koya.
33 Ia o Jiova ena sega ni biuti koya ina liga ni tamata oya+Se vakacalai koya ni sa lewai.+
ק [Kofa]
34 Nuitaki Jiova qai muria nona sala,Ena qai vakacerecerei iko mo taukena na vuravura.
Nira vakarusai laivi na daucaka ca,+ o na raica sara ga.+
ח [Resi]
35 Au sa raica na daucaka ca tawalolomaNi tete yani me vaka na vunikau bulabula ena kena qele dina.+
36 Ia sa takali yani vakasauri o koya qai yali sara,+Au vaqarai koya tiko ga, ia e sega ni kune rawa.+
ש [Sini]
37 Vakasamataki koya e tawacala,*Qai raici koya tiko ga na yalododonu,+Ni na vakacegu nona veigauna se bera mai.+
38 Ia o ira kece na dau talaidredre era na vakarusai,Na nodra veigauna se bera mai na daucaka ca ena muduki.+
ת [Tau]
39 Na nodra vakabulai na yalododonu e vu mai vei Jiova,+O koya na nodra ivunivuni ena gauna ni leqa.+
40 Ena vukei ira o Jiova qai vueti ira.+
Ena vueti ira mai vei ira na daucaka ca qai vakabulai ira,Nira vakaruru vua.+
iVakamacala e ra
^ Se “vakaraitaka ni o katakata.”
^ Se “ga ena vanua.”
^ Se “Mo vakasaqara na nomu marau levu duadua.”
^ Ipe., “Vaqiqica yani nomu sala.”
^ Se “yalovosota.”
^ Se rawa ni, “Kua ni cudru ni na tini ga ena leqa.”
^ Se “vakadretaka.”
^ Ipe., “na nodra veisiga na tawacala.”
^ Se “dauloloma.”
^ Se “vakataudeitaka.”
^ Se “kakana.”
^ Se “e cavuta e ra na vuku.”
^ Se “koya e dei nona yalodina.”
