Same 41:1-13
Vei koya na dairekita. Na sere i Tevita.
41 E marau o koya e kauaitaka na vakaloloma,+Ena vukei koya o Jiova ena siga ni leqa.
2 Ena taqomaki koya o Jiova qai vakabulai koya tiko ga.
Ena vakatokai me tamata mamarau e vuravura,+Oni na sega vakadua ni soli koya vei ira na kena meca.*+
3 Ena vakacegui koya o Jiova ena nona idavodavo ni tauvimate,+Ni tauvimate voli oni na veisautaka vakadua na nona idavodavo.
4 Niu kaya: “I Jiova, ni lomani au mai.+
Ni vakabulai au,+ niu sa valavala ca vei kemuni.”+
5 Ia na kequ meca era tukuna na ka ca me baleti au:
“Ena mate enaica me qai boko na yacana?”
6 Ke mai raici au e dua vei ira, e dau vosa lasu e lomana.
E kumuna na vosa mosimosi me baleti au,Qai lako i tuba, me vakatetea yani.
7 O ira kece na cati au era vakasolokakana,Era nakita me caka vei au na ka ca:
8 “E dua na ka vakadomobula e sa toboki koya,Ia qo ni sa bale, ena sega ni duri tale.”+
9 Na tagane mada ga keirau veiyaloni, o koya au nuitaka,+O koya e kania tiko na qau madrai, sa laveta na bukubukuniyavana me saqati au.*+
10 Ia o kemuni, i Jiova, ni nanumi au qai vakaduri au,Meu rawa ni totogitaki ira.
11 Ena ka qo au na kila kina ni oni taleitaki au:
Ni sega ni kaila vei au ena qaqa na kequ meca.+
12 Ia o yau, oni tokoni au ena vuku ni noqu yalodina,+Oni na maroroi au e matamuni me tawamudu.+
13 Me vakacaucautaki o Jiova na Kalou ni IsireliEna gauna kece ga me tawamudu.*+
Emeni, Emeni.
iVakamacala e ra
^ Se “koya ina nodra lalawa na kena meca.”
^ Se “sa vuki me saqati au.”
^ Se “Mai na gauna tawamudu ina gauna tawamudu.”
