Same 56:1-13
Vei koya na dairekita, vakarautaki ina “Ruve Galugalu E Tu Vakayawa.” Na same i Tevita. Mikitami.* Nira vesuki koya mai Kaca+ na kai Filisitia.
56 Kemuni na Kalou, ni lomani au nira valuti* au tiko na tamata.
Era valuti au ena siga taucoko qai vakasaurarataki au.
2 Era vakasagai au tiko ga na kequ meca ena siga taucoko,Levu era vala kei au ena dokadoka.
3 Niu rere,+ au nuitaki kemuni ga.+
4 Au nuitaka na Kalou, au vakacaucautaka na nona vosa,Au nuitaka na Kalou, au sega ni rere.
Na cava e rawa ni cakava vei au na tamata?*+
5 Era vakacacana voli na veika au saga ena siga taucoko,Na ka ga era vakasamataka tu mera vakamavoataki au.+
6 Era vunitaki ira mera vala,Era yadrava na noqu ilakolako kece,+Nira vinakata mera kauta tani na noqu bula.+
7 Ni biuti ira ena vuku ni nodra caka ca.
Ni vakalolovirataka na veimatanitu ena nomuni cudru, kemuni na Kalou.+
8 Oni kila vinaka na noqu veilakoyaki voli.+
Ni tawana na wainimataqu ena nomuni tavaya kulinimanumanu.+
Vakacava era sega ni volai tu e nomuni ivola?+
9 Era na drotani na kequ meca ena siga au kere veivuke kina.+
Qo na vu ni noqu yalodei: e totaki au na Kalou.+
10 Au nuitaka na Kalou, au vakacaucautaka na nona vosaAu nuitaki Jiova, au vakacaucautaka na nona vosa,
11 Au nuitaka na Kalou, au sega ni rere.+
Na cava e rawa ni cakava vei au na tamata?+
12 Kemuni na Kalou, sa vauci au tu na noqu bubului vei kemuni,+Au na cabora vei kemuni na vosa ni vakavinavinaka.+
13 Ni oni sa vakabulai au mai na mate+Qai tarova na yavaqu me kua ni tarabe,+Meu rawa ni lako voli ena mata ni Kalou ena nodra rarama na bula.+
