Same 62:1-12
Vei koya na dairekita, ni Jitucuni.* Na sere i Tevita.
62 Io, au waraka galugalu na Kalou.
E vu mai vua na noqu vakabulai.+
2 O koya ga na noqu uluvatu kei na noqu ivakabula, e noqu ivakaruru tudei,*+Au na sega vakadua ni yavalati.+
3 Ena vakacava na dede ni nomuni buturaka na tamata, moni labati koya?+
Oni vakarerevaki kece me vaka na bai sa vakalakala tu, na bai vatu sa vakarau kasura.*
4 Nira bose vata mera vaqerai koya mai na nona itutu cecere,*Era taleitaka na lasu.
Era vosa veivakalougatataki e gusudra, ia e lomadra na vosavakacaca.+ (Sela)
5 Io, au waraka galugalu na Kalou+Ni vu mai vua na noqu vakabulai.+
6 O koya ga na noqu uluvatu kei na noqu ivakabula, e noqu ivakaruru tudei,Au na sega vakadua ni yavalati.+
7 E vakatau vua na Kalou na noqu vakabulai kei na kequ lagilagi.
Na noqu uluvatu kaukaua, na noqu ivakaruru na Kalou.+
8 Nuitaki koya e veigauna, o kemuni na tamata.
Ni sova yani na lomamuni e matana.+
E noda ivakaruru na Kalou.+ (Sela)
9 E icegu wale ga na luve ni tamata,Na luve ni kawatamata era lasu wale.+
Ni biu vata ena ivakarau, era mamada cake mai na icegu.+
10 Kua ni vakanuinui ina cakacaka vakailoaSe vakanuinui mate wale ina butako.
Ke levu mai nomuni iyau, me kua ni malele kina na lomamuni.+
11 Dua na gauna a vosa na Kalou, au rogoca vakarua kina qo:
Ni kaukaua e nona na Kalou.+
12 Kemuni Jiova, e nomuni tale ga na loloma e dei,+Ni oni sauma na tamata yadua me vaka na nona ivalavala.+
iVakamacala e ra
^ Raica na iVakamacala ni Vosa.
^ Se “noqu vanua cecere tudei.”
^ Se rawa ni, “O kemuni kece, me vaka sara ga e sa vakalakala tu vaka na bai o koya, e dua na bai vatu sa vakarau kasura.”
^ Se “nona dokai.”
