Same 68:1-35
Vei koya na dairekita. Na same i Tevita. Na Same. Na sere.
68 Me tucake na Kalou, mera talabusese na kena meca,Mera qai dro mai matana na cati koya.+
2 Moni cemuri ira laivi me vaka na irivi laivi ni kubou,Me vaka na waicala ni drega* ena mata ni yameyame,Mera takali tale ga na daucaka ca mai na mata ni Kalou.+
3 Ia mera marau vakalevu na yalododonu,+Me vuabale nodra marau ena mata ni Kalou,Mera reki vakalevu.
4 Sere vua na Kalou, sere ena vakacaucau* ina yacana.+
Sere vei koya e vodo tiko ni curuma voli na vanua buca dravuisiga.*
O Ja* na yacana!+ Ni marau vakalevu e matana!
5 E tamadra na sega ni vakatamani qai nodra ivakatawa* na yada+Na Kalou ena nona itikotiko tabu.+
6 Na Kalou e solia vei ira na tu taudua na vale me nodra itikotiko,+E tuberi ira na kaivesu mera rawaka.+
Ia era na tiko ga ena vanua sigasiga na yalokaukaua.*+
7 Kemuni na Kalou, ena gauna oni tuberi* ira kina na nomuni tamata,+Ni oni lakova taucoko na vanua dravuisiga, (Sela)
8 E sakure na vuravura,+E bisa mai lomalagi na uca* ena vuku ni Kalou,E sakure o Saineai ena vuku ni Kalou, na Kalou ni Isireli.+
9 Kemuni na Kalou, oni a vakatauca mai vakalevu na uca,Oni vakabulabulataki ira tale na nomuni tamata* era sa wawale tu.
10 Era vakaitikotiko ena nomuni veivalelaca,+Kemuni na Kalou, oni sa vakacegui ira na dravudravua ena nomuni yalovinaka.
11 Sa tauca na ivakaro o Jiova,Era mataivalu levu na yalewa era kacivaka voli na itukutuku vinaka.+
12 Era sa gutuwa na tui ni mataivalu,+ era gutuwa!
Na yalewa e tiko ga e vale e votai ena itokinivalu.+
13 Ke oni mani davo tu ena maliwa ni bukawaqa ena keba,*Ena tiko e keri na taba ni ruve e robota na siliva,Qai koula dina* na lawena.
14 Ni ceburaki ira na kena tui o koya e Kaukaua Duadua,+E tau na ucacevata e Salimoni.*
15 Na ulunivanua kei Pasani+ e ulunivanua ni Kalou,*Na ulunivanua kei Pasani e ulunivanua ni veidelana cecere.
16 Na cava oni vakaraica kina ena vuvu o kemuni na ulunivanua ni veidelana cecere,Na ulunivanua e sa digia* na Kalou me nona itikotiko?+
Io, ena tiko dina e kea o Jiova me tawamudu.+
17 Na qiqinivalu ni Kalou e oba vakaoba, e udolu vakaudolu.+
Sa lako mai Saineai o Jiova ina vanua tabu.+
18 Oni cabe cake,+Oni kauti ira yani na vesu tu,Oni kauti ira na tamata mera isolisoli,+Io, o ira mada ga na yalokaukaua,+ moni tiko ena kedra maliwa, i Ja na Kalou.
19 Me vakacaucautaki o Jiova, e colata e veisiga na noda icolacola,+Na Kalou dina e dau vakabulai keda. (Sela)
20 Na Kalou dina e Kalou dauveivakabulai vei keda,+Na Turaga Cecere Duadua o Jiova e dau vakarautaka na idrodro mai na mate.+
21 Io, na Kalou ena vorolaka na uludra na kena meca,Na drauniulu vavaku ena buradelai koya e tomana* nona cala.+
22 Sa kaya o Jiova: “Au na kauti ira lesu mai Pasani,+Au na kauti ira lesu mai na veivanua titobu e wasawasa,
23 Me toni kina na yavamu ena dra+Na yamedra tale ga na nomu koli ena vakaivotavota vei ira na meca.”
24 Era sa raica na nomuni ilakolako, kemuni na Kalou,Na ilakolako ni noqu Kalou, na noqu Tui, ina vanua tabu.+
25 Era taubale e liu na daulagasere, taravi ira yani na dauqiri ivakatagi vakawa,+Era tu ena kedra maliwa na goneyalewa era qiri tibereli.+
26 Ni vakacaucautaka na Kalou ena ivavakoso levu,*Ni vakacaucautaki Jiova, o kemuni mai na iVurevure kei Isireli.+
27 O Penijamini+ e gone duadua, e vakamalumalumutaki ira tiko e kea,Na nodra turaga na Juta kei na nodra ilala kosakosa,Na nodra turaga tale ga na Sepuloni, na nodra turaga na Nafitalai.
28 Sa vakarota na nomu Kalou ni o na kaukaua.
Vakaraitaka na nomuni kaukaua, kemuni na Kalou, ni oni sa yavala ena vuku i keimami.+
29 Ena vuku ni nomuni valenisoro e Jerusalemi,+Era na kau iloloma mai vei kemuni na tui.+
30 Vunauca na manumanu kila ni veigasau,Na qele ni bulumakau tagane+ kei na luvedra,Me yacova nira kauta cuvacuva mai* na tikitiki ni siliva na veimatatamata.
Ia e vakavuna mera talabusese na veimatatamata era dau taleitaka na ivalu.
31 Na iyaya parasa era na kau* tani mai Ijipita,+Ena totolo mai o Kusi me cabora na iloloma vua na Kalou.
32 Kemuni na veimatanitu kei vuravura, ni sere vua na Kalou,+Ni sere ena vakacaucau* vei Jiova, (Sela)
33 Vei koya e vodoka na lomalagi ni veilomalagi+ makawa.
Raica! E vakuru na domona, na domona qaqa.
34 Vakacaucautaka na kaukaua ni Kalou.+
Sa roboti Isireli na kena lagilagi,Na nona kaukaua tale ga e tu e macawa.*
35 E vakatubuqoroqoro na Kalou mai na nona* tikina tabu lagilagi.+
Na Kalou ni Isireli,E dau solia na igu kei na kaukaua vei ira na tamata.+
Vakacaucautaka na Kalou.
iVakamacala e ra
^ Rairai dusia na ka e bulia na oni me tawa kina na denioni, ia e waicala rawarawa.
^ Se “vakatagi.”
^ Se rawa ni, “vodo tiko ena o.”
^ Na “Ja” na ivakaleka ni yaca Jiova.
^ Ipe., “turaganilewa.”
^ Se “talaidredre.”
^ Ipe., “liutaki.”
^ Ipe., “tuturu.”
^ Ipe., “ivotavota.”
^ Se rawa ni, “bainisipi.”
^ Se “Qai drokadroka via dromodromo.”
^ Se “E vaka e tau na ucacevata e Salimoni.”
^ Se “e ulunivanua lagilagi.”
^ Se “e sa gadreva.”
^ Se “e veilakoyaki voli ena.”
^ Ipe., “ena soqo lelevu.”
^ Se rawa ni, “nira butubutuka sobu.”
^ Se rawa ni, “Era na lako mai na mata.”
^ Se “Ni vakatagi.”
^ Ipe., “o.”
^ Ipe., “nomuni.”
