Same 8:1-9
Vei koya na dairekita ni Kitica.* Na sere i Tevita.
8 I Jiova na neimami Turaga, sa vakatubuqoroqoro dina na yacamuni e vuravura taucoko,Oni vakaraitaka na kemuni lagilagi me cecere cake mai na lomalagi!*+
2 Mai na gusudra na gone lalai kei na gone dramidrami+ oni sa vakataudeitaka na kaukauaEna vukudra na kemuni meca,Me vagalui kina na meca kei na dauveisausaumi.
3 Niu raica na nomuni lomalagi, na cakacaka ni qaqaloniligamuni,Na vula kei na veikalokalo oni vakarautaka,+
4 Na cava na tamata moni dau nanumi koya kina,Kei na luve ni tamata moni kauaitaki koya kina?+
5 Oni vakarautaki koya me lailai vei ira na agilosi,Oni qai vakaisalataki koya ena lagilagi kei na vakarokoroko.
6 Oni solia vua me lewa na cakacaka ni ligamuni,+Oni biuta na ka kece e ruku ni yavana:
7 Na qelenisipi kei na bulumakau kece,Na manumanu kila tale ga,*+
8 Na manumanuvuka ni lomalagi kei na ika ni waitui,Se dua na ka e veitosoyaki voli e loma ni wasawasa.
9 I Jiova na neimami Turaga, sa vakatubuqoroqoro dina na yacamuni e vuravura taucoko!
iVakamacala e ra
^ Raica na iVakamacala ni Vosa.
^ Se rawa ni, “Na kemuni lagilagi e tukuni e lomalagi e cake!”
^ Ipe., “na manumanu kila ni vanua.”
