Same 83:1-18
Na sere. Na sere i Esafa.+
83 Kemuni na Kalou, ni kua ni vagagalu,+Ni kua ni galu tiko se tu vakadua, ni oni Kaukaua Duadua.
2 Raica! Era sa maue na kemuni meca,+Era sa qaciqacia* o ira na cati kemuni tiko.
3 Era bukivere lo ena lawaki mera saqata kina na nomuni tamata,Era bosevata mera saqati ira na nomuni ka mareqeti.*
4 Era kaya: “Mai, meda vakawabokotaki ira vakamatanitu,+Me kua kina ni nanumi tale na yaca i Isireli.”
5 Era lalawataka e dua na iwalewale era duavata kina,*Ra qai tovata* mera saqati kemuni+—
6 Na nodra valelaca na Itomi kei na kawa i Isimeli, Moapi+ kei Akiri,+
7 O Kipali, kei Amoni,+ kei Amaleki,Filisitia+ kei ira na lewe i Taia.+
8 Sa tomani ira tale ga o Asiria,+Era veitokoni vei ira* na luvena tagane o Loti.+ (Sela)
9 Ni cakava vei ira na ka oni cakava vei Mitiani,+Me vaka oni cakava vei Sisira kei Japini ena uciwai* kei Kisoni.+
10 Era vaqeavutaki mai Edoa,+Era yaco mera maniwa ni qele.
11 Ni cakava mera vakataki Orepi kei Siepi na nodra turaga+Mera vakataki Sepa kei Salimuna tale ga na nodra turaga,*+
12 Nira kaya: “Meda lai taukena na vanua e tiko kina na Kalou.”
13 Kemuni na noqu Kalou, ni cakava mera vaka na soni e cocowiriwiri,+Me vaka na vunicovuata e veicaginayaki.
14 Me vaka na bukawaqa e vakama na veikau,Me vaka na yameyame e yameca na veiulunivanua,+
15 Ni cemuri ira ena nomuni draki ca levu+Qai vakadomobulataki ira ena nomuni cagi kaukaua.+
16 Ni ubia* na matadra ena madua,Mera vakasaqara kina na yacamuni, i Jiova.
17 Mera vakamadualaki mada ga qai domobula me tawamudu,Mera vakalolovirataki qai vakamatei,
18 Mera kila na tamata ni o kemuni, na yacamuni ga o Jiova,+O kemuni ga oni Cecere Duadua e vuravura taucoko.+
iVakamacala e ra
^ Se “Era sa vakaduria na uludra.”
^ Ipe., “o ira era vunitaki tu.”
^ Ipe., “Era bose ena lomavata.”
^ Se “qai veiyalayalati.”
^ Ipe., “Era sa mai ligadra ga.”
^ Se “waimaca.”
^ Se “iliuliu.”
^ Ipe., “vakasinaita.”
