Same 86:1-17
Na masu i Tevita.
86 Ni vakala mai na daligamuni* i Jiova moni rogoci au,Niu vakaloloma qai dravudravua.+
2 Ni taqomaka na noqu bula, niu yalodina.+
Ni vakabula na nomuni dauveiqaravi e nuitaki kemuni tiko,Ni oni noqu Kalou.+
3 Ni lomani au i Jiova,+Niu kaci yani vei kemuni ena siga taucoko.+
4 Ni vakamarautaka vakalevu na nomuni dauveiqaravi,Ni o kemuni ga i Jiova, au gole kina.
5 Ni o kemuni Jiova, oni vinaka+ qai tu vakarau moni veivosoti,+E vuabale na dei ni nomuni loloma vei ira kece na kaci yani vei kemuni.+
6 I Jiova, ni rogoca na noqu masu,Qai vakatudaliga ina noqu vakamamasu ni kere veivuke.+
7 Au kaci yani vei kemuni ena siga ni noqu leqa,+Ni oni na rogoci au mai.+
8 E sega ni dua vei ira na kalou e vakataki kemuni, i Jiova,+E sega ni dua na cakacaka e vakataka na nomuni.+
9 Na matanitu kece oni cakavaEra na lako mai qai cuva e matamuni, i Jiova,+Era na qai vakalagilagia na yacamuni.+
10 Ni oni cecere qai cakava na veika veivakurabuitaki,+
11 Vakavulici au, i Jiova ena nomuni sala.+
Au na lako ena nomuni dina.+
Ni vakaduavatataka na lomaqu* me rerevaka na yacamuni.+
12 Au vakacaucautaki kemuni, i Jiova na noqu Kalou, ena lomaqu taucoko,+Au na qai vakalagilagia na yacamuni me tawamudu,
13 Ni sa levu dina na dei ni nomuni loloma vei au,Oni qai vakabulai au mai na titobu ni iBulubulu.*+
14 Kemuni na Kalou, era tucake na tamata siosio mera saqati au,+Na ilala tamata tawaloloma, era saga mera kauta tani na noqu bula,Ra qai sega ni kauaitaki kemuni.*+
15 Ia o kemuni i Jiova, oni Kalou dauyalololoma qai dauveinanumi,*Berabera ni cudru qai vuabale ena loloma e dei kei na yalodina.*+
16 Ni raici au mai qai lomani au.+
Ni solia na nomuni kaukaua vua na nomuni dauveiqaravi,+Ni vakabula na luvena na nomuni yalewa bobula.
17 Ni vakaraitaka vei au na ivakatakilakila* ni nomuni yalovinaka,Mera raica na cati au ra qai vakamadualaki.
Ni o kemuni, i Jiova, oni dau vukei au, oni dau vakacegui au tale ga.
iVakamacala e ra
^ Se “Ni cuva qai vakarorogo.”
^ Se “Ni solia vei au na loma e taucoko.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “sega ni biuti kemuni e matadra.”
^ Se “yalovinaka.”
^ Se “kei na dina.”
^ Se “ivakadinadina.”
