Sefanaia 1:1-18
1 E vosa o Jiova vei Sefanaia* na luvei Kusai, na luvei Kitalaia, na luvei Amaraia, na luvei Esekaia ena gauna i Josaia+ na luvei Emoni+ na tui Juta:
2 “Au na vakarusa vakadua na ka kece mai na delaniqele,” e kaya o Jiova.+
3 “Au na vakarusa na tamata kei na manumanu.
Au na vakarusa na manumanuvuka ni lomalagi kei na ika ni waitui,+Na ka e dau veivakatarabetaki*+ kei ira na tamata ca,Au na kauta tani na kawatamata mai na delaniqele,” e kaya o Jiova.
4 “Au na dodoka na ligaqu meu cudruvi JutaKei ira kece na lewe i Jerusalemi,Au na kauta tani mai na vanua qo na ivovo kei Peali,+Na yacadra na bete ni kalou tani kei ira na bete,+
5 O ira na cuva sobu ena delanivale vei ira na kalokalo ni lomalagi,+Kei ira na cuva sobu mera yalataka nira na yalodina vei Jiova,+Ia era yalataka mera yalodina vei Malikami,+
6 O ira na gole tani mera kua ni muri Jiova,+Era sega ni qarai Jiova se tarogi koya.”+
7 Moni vakanomodi ena mata ni Turaga Cecere Duadua o Jiova, ni sa voleka na siga i Jiova.+
Ni vakarautaka o Jiova e dua na isoro, e vakasavasavataki ira e sureta mai.
8 “Ena siga e vakarautaka kina o Jiova na isoro, au na cudruvi ira na turaga,O ira na luvenitui,+ kei ira kece era tokara tiko na isulu tani.
9 Au na cudruvi ira kece era cabeta na buturara* ena siga oya,O ira na vakasinaita na vale ni nodra turaga ena ivalavala kaukaua kei na lawaki.
10 Ena siga oya,” e kaya o Jiova,“Ena rogo na tagi ena Matamata ni Ika,+Na tagilagalaga mai na iKarua ni Yasa ni koro,+Kei na vadugu levu mai na veidelana.
11 Ni tagilagalaga na lewe i Makitesa,*Nira sa vakarusai* na dauveivoli,Era sa vakarusai o ira na vakarautaka tiko na siliva.
12 Ena gauna oya au na kauta eso na cina meu vaqaqara vinaka e Jerusalemi,Au na cudruvi ira na lomawele,* era kaya tiko e lomadra,‘Ena sega ni caka vinaka o Jiova, ena sega tale ga ni caka ca.’+
13 Ena kovei na nodrau iyau, ena rusa+ na nodra vale.
Era na tara vale ia era na sega ni tiko kina,Era na tea na loganivaini, ia era na sega ni gunuva na kena waini.+
14 Sa voleka na siga levu i Jiova!+
Sa voleka, sa kusa sara mai!+
E rarawataki na rorogo ni siga i Jiova.+
Ena tagi kina na tamataivalu.+
15 Na siga oya e siga ni cudru waqawaqa,+Na siga ni rarawa kei na yaluma,+Na siga ni draki ca kei na veivakalalai,Na siga ni butobuto, e rugurugua,+Na siga ni o kei na butobuto loaloa,+
16 Na siga ni davui* kei na kaila ni ivalu,+Me valuti kina na koro vakabai kei na valececere ena tutu ni bai.+
17 Au na vakararawataka na kawatamata,Era na taubale me vakataki ira na tamata mataboko,+Nira cala+ vei Jiova.
Ena sovaraki na nodra dra me vaka na kuvuniqele,Kei na lewedra* me vaka na denimanumanu.+
18 Na nodra siliva se na nodra koula ena sega ni vakabulai ira ena siga ni cudru waqawaqa i Jiova,+Ena kama na vuravura taucoko ena bukawaqa ni nona cudru,+Ni na vakawabokotaki ira kece na lewe i vuravura o koya,+ io sa bau vakadomobula dina.”
iVakamacala e ra
^ Kena ibalebale “E Vunia (Maroroya) o Jiova.”
^ Na iyaya se cakacaka e sema ina qaravi matakau.
^ Se “ilago.” De buturara ni nona idabedabe vakaturaga na tui.
^ Rairai dua na iwase kei Jerusalemi volekata na Matamata ni Ika.
^ Ipe., “vagalui.”
^ Ipe., “o ira na tamata era vaka na waini sa cevata tu ena kena soko,” ena saqa ni waini.
^ Ipe., “ileu.”
^ Ipe., “wawa.”
