Sefanaia 2:1-15
2 Moni soqoni vata, io moni soqoni vata,+Na lewe ni matanitu oni sega ni madua.+
2 Ni bera ni vakayacori na ivakaro,Ni bera ni oti na siga me vaka na qanicovuata,Ni bera ni tau vei kemuni na cudru katakata i Jiova,+Ni bera ni yacovi kemuni na siga ni cudru i Jiova,
3 Moni vakasaqarai Jiova,+ o kemuni kece na yalomalumalumu e vuravura,Oni vakayacora tiko na nona ivakaro* dodonu.
Moni vakasaqara na yalododonu, moni vakasaqara na yalomalumalumu.
De oni na vuni kina ena siga ni cudru i Jiova.+
4 Na koro o Kesa ena biu tu,O Asikiloni ena vakalalai.+
O Asoto ena cemuri ena sigalevu tutu,O Ekironi ena cavuraki.+
5 “Oni na rarawa na tiko ena baravi, na matanitu vaKireci!+
Ena tau vei kemuni na vosa i Jiova.
O iko Kenani na nodra vanua na kai Filisitia, au na vakarusai iko,Me kua ni dua e tiko kina.
6 Ena vanua veico na baravi,E tiko kina na nodra toevu na ivakatawanisipi kei na baivatu ni sipi.
7 Ena nodra yasayasa na vo ena vuvale i Juta,+Era na kana e kea.
Era na davo ena yakavi ena veivale mai Asikiloni.
Ni na golevi ira* na nodra Kalou o Jiova,Ena kumuni ira lesu mai na vesu tu.”+
8 “Au sa rogoca na veivakalewai nei Moapi+ kei na nodra vosavakacaca na Amoni,+Era vakasewasewani ira na noqu tamata, era vakalevulevui ira ena nodra vanua.+
9 O koya gona niu bula dina tiko,” e kaya o Jiova ni lewe vuqa,* na Kalou ni Isireli,“O Moapi ena vakataki Sotoma ga,+O ira na Amoni era na vakataki Komora,+Na vanua ni salato, na qara ni masima, ena lala vakadua.+
Era na kovei ira na ivovo ni noqu tamata,Ena taukeni ira na ivovo ni noqu matanitu.
10 Qo na ka ena nodra me isosomi ni nodra dokadoka,+Nira veivakanini ra qai vakalevulevui ira vei ira na tamata i Jiova ni lewe vuqa.
11 Era na domobulataki Jiova,Ni na vakatawayagataki ira kece na kalou ni vuravura o koya,Era na cuva vua* na lewe ni veiyanuyanu kece ena veimatanitu,+O ira yadua mai na nodra yasana.
12 Oni na vakamatei tale ga na kai Iciopea ena noqu iseleiwau.+
13 Ena dodoka o koya na ligana ina vualiku me vakarusai Asiria,Ena vakalalai Ninive,+ me mamaca me vaka na vanua talasiga.
14 Era na davo kina na qelenimanumanu, na veimataqali manumanu kila kece.*
Era na moce na pelikani kei na pokipaini ena bogi ena maliwa ni kena duru.
Ena rogo mai na domo ni sere ena katubaleka.
Ena vakacacani na kena ilago,Ni na vakaraitaka o koya na kena kau sitari.
15 Qo na koro viavialevu e toka welewelei,E kaya tiko e lomana, ‘O yau ga, sega ni dua tale.’
Sa na wacava na kena vakalalai,Me nodra idavodavo na manumanu kila!
Era na vakalukalu o ira kece na lakosivita, era na kurea na ligadra.”+
iVakamacala e ra
^ Ipe., “nona lewa.”
^ Se “karoni ira.”
^ Qo na mataivalu vakalomalagi.
^ Se “qaravi koya.”
^ Ipe., “na manumanu kece ni matanitu.”
