Sere i Solomoni 1:1-17
-
Sere uasivi (1)
-
Goneyalewa (2-7)
-
Ira na goneyalewa ni Jerusalemi (8)
-
Tui (9-11)
-
“Keimami na cakava na nomu iukuuku koula” (11)
-
-
Goneyalewa (12-14)
-
“Noqu daulomani e vaka e dua na taga mura boivinaka” (13)
-
-
iVakatawanisipi (15)
-
“O matamalumu noqu daulomani”
-
-
Goneyalewa (16, 17)
-
“O matamalumu noqu daulomani” (16)
-
1 Na sere uasivi i Solomoni:+
2 “Me reguci au mada o koya ena iregu ni gusuna,Ni vinaka na nomu dodomo* e ca na waini.+
3 E talei na boivinaka ni nomu ilumu.+
Na yacamu e vaka na waiwai boivinaka e livi yani.+
Oya na vuna era taleitaki iko kina na goneyalewa.
4 Mo kauti au yani, me daru cici.
Sa kauti au na tui ina nona rumu e loma!
Me daru reki me daru marau.
Me daru veivosakitaka na nomu dodomo* me kua soti na waini.
Sa rauta mera* taleitaki iko.
5 “Au goneyalewa baloa ia au matavinaka, kemuni na goneyalewa ni Jerusalemi,Me vaka na valelaca ni Kitari,+ me vaka na ilati+ ni valelaca nei Solomoni.
6 Moni kua ni vakaraici au niu loaloa,Baleta ni kati au na siga.
Eratou cudruvi au na ganequ,*Eratou lesi au meu vakatawa na loganivaini,Ia na noqu loganivaini au sega ni vakatawa.
7 Mo tukuna vei au, o iko au domona vakalevu,Na vanua o vakania kina nomu qelenisipi,+Na vanua o vakadavori ira kina ena sigalevu tutu.
Na cava meu vaka kina na yalewa e vau ena iubiniulu*Ena kedra maliwa na nodra qelenisipi na nomu ilala?”
8 “Ke o sega ni kila, o iko o matavinaka vei ira na yalewa kece,Mo lako yani mo muria na we ni yavadra na sipi,Mo vakani ira na nomu luvenime volekata na nodra valelaca na ivakatawa.”
9 “Au vakatauvatani iko noqu daulomani kei na* ose yalewa rairai vinaka ena qiqi nei Fero.+
10 E totoka na balumu ni vakaiukuuku,*Kei na domomu ni vakaitaube.
11 Keimami na cakava na nomu iukuuku koula,*Kei na iukuuku siliva.”
12 “Ni dabe tiko na tui ena nona teveli mokimokiti,Ena kuvuraka yani na iboi ni noqu sede.*+
13 Vei au, na noqu daulomani e vaka e dua na taga mura* boivinaka+Ena davo tiko ena maliwa ni sucuqu ena bogi.
14 Na noqu daulomani e vaka na isoso hena*+Ena loma ni loganivaini mai Eniketi.”+
15 “Raica! O matamalumu noqu daulomani.
Raica! O matamalumu. Na matamu e vaka na mata ni ruve.”+
16 “Raica! O matamalumu* noqu daulomani, o totoka.+
Na nodaru idavodavo na draunikau.
17 Na icoka ni nodaru vale* na sitari,Na kena isa na vunijunipa.
iVakamacala e ra
^ Se “loloma.”
^ Se “loloma.”
^ Oya o ira na goneyalewa.
^ Ipe., “luvena tagane na tinaqu.”
^ Se “iubiniulu ni lolosi.”
^ Se “noqu.”
^ Se “na maliwa ni drauniulumu tali.”
^ Se “mokimokiti.”
^ Ipe., “narita.”
^ Drega boivinaka e dau isaluaki ni waiwai ena so na gauna.
^ E caka mai na kau qo na ibena damu.
^ Se “matavinaka.”
^ Se “vale totoka.”
