Sere i Solomoni 2:1-17
2 “O yau na senikau na sefaroni ena baravi bucabuca,Na viavia ni veibuca.”+
2 “Me vaka na viavia ena maliwa ni cogadrogadroNa noqu daulomani ena kedra maliwa na goneyalewa.”
3 “Me vaka na vuniapolo ena maliwa ni kau ni veikau,E va tale ga qori na noqu daulomani ena kedra maliwa na cauravou.
Au diva meu dabe ena kena iyaloyalo,E kamikamica vei au na vuana.
4 E kauti au ina vale ni kanavata,*E vakaruguti au na nona drotini ni loloma.
5 Moni vakacegui au ena vuanivaini rabaraba,+Moni vakani au ena yapolo,Niu sa mate ena dodomo.
6 E toka na ligana imawi e ruku ni uluqu,E mokoti au tiko na ligana imatau.+
7 Moni bubului na goneyalewa ni JerusalemiEna kaseli+ kei na dia yalewa ni vanua,Moni kua ni saga moni vakayadrata se uqeta meu veidomoni niu sega ni makutu kina.+
8 Sa rogo mai o noqu daulomani!
Raica! Sa lako mai qo,E cabeta na veiulunivanua, e ladeva na veidelana.
9 Na noqu daulomani e vaka na kaseli, e vaka na dia tagane gone.+
Sa tu ya, e duri tu ena daku ni noda bai,E vakararai tiko ena katubaleka,E wanonova tiko na katubaleka.*
10 E vosa mai na noqu daulomani, e kaya vei au:
‘Mo tucake noqu daulomani,Na noqu itau matamalumu, me daru lako.
11 Raica! Sa oti na vulaililiwa.*
Sa oti na uca, sa lako tani.
12 Sa laurai na se ni kau ena vanua,+Sa gauna me vuru kina na vaini,+Sa rogo na domo ni kukuru ena noda vanua.+
13 Sa dreu na vuanilolo taumada,+Sa se na vunivaini, e kuvuraka na kena iboi.
Mo tucake noqu daulomani, mo lako mai.
Na noqu matamalumu, me daru lako.
14 O iko na noqu ruve ena qara ni vatu,+Na yasana vuni ena barinivatu,Meu raici iko mada, meu rogoca na domomu,+Ni rogo vinaka na domomu, o qai rairai totoka.’”+
15 “Moni toboka mai vei keitou na fokisi,Na fokisi lalai era vakacacana na loganivaini,Ni se tu na noda loganivaini.”
16 “E mateci au na noqu daulomani, au mateci koya.+
E vakatawa sipi+ tiko ena maliwa ni viavia.+
17 Me liwa mada na caucau, me seavu na malamalawa,Mo lesu totolo mai noqu daulomani,Mo vaka na kaseli+ se dia tagane gone+ ena veiulunivanua ni veitawasei.*
iVakamacala e ra
^ Ipe., “vale ni waini.”
^ Qo na katubaleka sega ni vakailoilo, e veitaqai veilatai kina na kau.
^ Se “gauna ni uca.”
^ Se rawa ni, “qara ena veiulunivanua.” Se “na veiulunivanua o Peceri.”
