Sere i Solomoni 3:1-11
3 “Ena noqu loga ena bogi,Au qarai koya au domona.+
Au qarai koya, ia au sega ni raici koya.+
2 Au na tucake meu wavokita na koro.
Ena gaunisala kei na rara,Au na qarai koya au domona.
Au qarai koya, ia au sega ni raici koya.
3 Era raici au na yadra era veilakoyaki tiko ena koro.+
‘Oni raici koya au domona?’
4 Niu toso ga vakalailai e liuAu raici koya au domona.
Au tauri koya, au sega ni laivi koya taleMeu kauti koya mada ina vale nei tinaqu,+Ena nona rumu e loma o koya e kunekunetaki au.
5 Moni bubului na goneyalewa ni Jerusalemi,Ena kaseli kei na dia yalewa ni vanua,Moni kua ni saga moni vakayadrata se uqeta meu veidomoni niu sega ni makutu kina.”+
6 “Na cava e lako cake tiko mai qo ena vanua talasiga e vaka na duru kubou,E vakaisaluaki ena mura* kei na drega boivinaka,Kei na nodra pauta boivinaka kece na dauveivoli?”+
7 “Raica! Na tavata nei Solomoni.
Era wavokita e onosagavulu na tagane qaqa,Na nodra tagane qaqa na Isireli,+
8 Era vakaiseleiwau kece,Era vulica na ivalu,E toka e dibidra na nodra iseleiwauMera sabaya kina na ka rerevaki ena bogi.”
9 “Qori na tavata vakaturaga* nei Tui SolomoniE taya ena kau ni Lepanoni.+
10 Na kena duru e cakava ena siliva,Na kena iraviravi e koula.
Na kena idabedabe e vutinisipi lokaloka,Na lomana era ukutaka ena lolomaNa goneyalewa ni Jerusalemi.”
11 “Moni lako yani na goneyalewa ni Saioni,Moni raici Tui SolomoniNi vakaisala tu ena isala ni vakamau* e talia o tinana+Ena siga ni nona vakamau,Ena siga e marau kina na lomana.”
iVakamacala e ra
^ Drega boivinaka e dau isaluaki ni waiwai ena so na gauna.
^ Na tavata ubi me colati kina e dua e rogo.
^ Se “na isala senikau.”
