Sere i Solomoni 4:1-16
4 “Raica! O sa rui matamalumu noqu daulomani.
Raica! O sa rui matamalumu.
Na matamu e vaka na ruve ena loma ni iubinimatamu.
Na drauniulumu e vaka na qelenimeE tabili sobu ina veiulunivanua e Kiliati.+
2 Na batimu e vaka na qelenisipi se qai koti oti gaEra cabe mai na sili,E drua kece na luvedra,E sega ni dua e vakayalia na luvena.
3 Na tebenigusumu e vaka na wa damudamu,E taleitaki na nomu vosa.
E vaka e dua na tiki ni pomekaranetiNa balumu* ena loma ni iubinimatamu.
4 Na domomu+ e vaka na valececere nei Tevita,+E tara qai tuva kina na vatuE lili tu kina e duanaudolu na isasabai,Na nodra isasabai mokimokiti kece na tagane qaqa.+
5 Na sucumu ruarua e vaka e rua na luve ni dia,Na drua ni kaseli,+Erau kana tiko ena maliwa ni viavia.”
6 “Me liwa mada na caucau, me seavu na malamalawaAu na lako yani ina ulunivanua ni mura*Kei na delana e tu kina na drega boivinaka.”+
7 “O sa rui matamalumu, noqu daulomani,+E sega na ka mo vakamelei kina.
8 Me daru biuti Lepanoni, watiqu,Me daru biuti Lepanoni.+
Mo siro sobu e ulu i Emana,*Mai ulu i Siniri, na ulu i Erimoni,+Mai na nodra qara na laione, mai na nodra veiulunivanua na lepate.
9 O sa rawa na lomaqu,+ ganequ, na watiqu,O sa rawa na lomaqu ni kivi ga vakadua na matamu,Ena dua ga na tiki ni nomu itaube.
10 E vinaka na nomu dodomo,*+ ganequ, na watiqu!
E vinaka sara na nomu dodomo, e ca na waini,+Kei na boivinaka ni nomu ilumu mai na isaluaki kece!+
11 Na tebenigusumu watiqu, e tiri ena qanioni.+
Na denioni kei na sucu e tiko e ruku ni yamemu,+Na boivinaka ni nomu isulu e vaka na boivinaka kei Lepanoni.
12 Na ganequ, na watiqu e vaka na basenikau e viribaiti vinaka tu,Na basenikau viribaiti vinaka, na mataniwai e dregati.
13 Na sulimu* e parataisi* ni pomekaranetiNa veimataqali vuata talei, na hena,* kei na kau na narita,
14 Na narita+ kei na sefaroni, na gasau*+ kei na sinamoni,+Na veimataqali kau drega boivinaka, na mura, na elou,*+Kei na sede boivinaka+ kece.
15 O iko na mataniwai ni basenikau, na toevu ni waidranu,Kei na wai drodro mai Lepanoni.+
16 Mo yadra o iko na cagi na vualiku,Mo liwa mai o iko na cagi na ceva.
Mo liwava vakamalua* na noqu basenikau.
Me kuvuraka na vinaka ni kena iboi.”
“Me lako mai na noqu daulomani ina nona basenikauMe kania na kena vuata talei.”
iVakamacala e ra
^ Se “kanavalavala.”
^ Drega boivinaka e dau isaluaki ni waiwai ena so na gauna.
^ Se “Veiulunivanua Veibasai kei na Veiulunivanua e Lepanoni.”
^ Se “loloma.”
^ Se rawa ni, “kuliniyagomu.”
^ Se “basenikau.”
^ Na gasau boivinaka.
^ Ipe., “ceguva.”
