Sere i Solomoni 6:1-13
6 “Sa lako i vei na nomu daulomani,O iko o matavinaka sara vei ira na yalewa?
Sa gole i vei na nomu daulomani?
Meda vakasaqarai koya mada.”
2 “Na noqu daulomani e lako sobu ina nona basenikau,Ina nona loga ni kau boivinaka,Me vakatawa sipi ena basenikau,Me beti viavia tale ga.+
3 E mateci au na noqu daulomani,Au mateci noqu daulomani.+
E vakatawa sipi tiko ena maliwa ni viavia.”+
4 “O rairai vinaka me vakataki Tirisa,*+ noqu daulomani,+O totoka me vakataki Jerusalemi,+O vakatubuqoroqoro me vaka na mataivalu era wavokita na nodra drotini.+
5 Mo vagolea tani vei au na matamu,+Ni sa rawai au.
Na drauniulumu e vaka na qelenimeE tabili sobu ina baba e Kiliati.+
6 Na batimu e vaka na qelenisipiE cabe mai na sili,E drua kece na luvedra,E sega ni dua e vakayalia na luvena.
7 E vaka na tiki ni pomekaranetiNa balumu* ena loma ni iubinimatamu.
8 E 60 beka na ranadi,E 80 na watiqu lalai,Era sega ni wili rawa na goneyalewa.+
9 Ia e dua ga na noqu ruve,+ na noqu ka savasava.
E luvena duabau na tinana.
E gonenitoko nei koya e vakasucumi koya.
Nira raici koya na goneyalewa era vakacerecerei koya,O ira tale ga na ranadi kei na watiqu lalai era vakacaucautaki koya.
10 ‘O cei na yalewa qo e rarama* mai me vaka na kida ni mataka,E totoka me vaka na vula levu,E serau me vaka na rarama ni siga,E vakatubuqoroqoro me vaka na mataivalu era wavokita na nodra drotini?’”+
11 “Au a lako sobu ina loga ni tavola+Meu raica na tubuvou ni kau ena buca,*Meu raica ni sa tubu* na vunivaini,Ni sa se tale ga na vunipomekaraneti.
12 Niu bera ni kila,E uqeti au na lomaqu meu vodo,Ena nodra qiqi na kainoqu era yalovakaturaga.”
13 “Lesu mai, lesu mai o iko na Sulamaiti!
Lesu mai, lesu maiMe keimami raici iko!”
“Na cava moni raica kina na Sulamaiti?”+
“E vaka ga ni meke tiko e rua na ilawalawa!”*
iVakamacala e ra
^ Se “Koro Rairai Vinaka.”
^ Se “kanavalavala.”
^ Ipe., “rai sobu.”
^ Se “waimaca.”
^ Se “kubu.”
^ Se “meke ni Meneimi.”
