Sere i Solomoni 7:1-13
7 “E rairai vinaka na yavamu ni o vakaivava,O iko na goneyalewa yalovakamarama!
Na ibulibuli ni sagamu e vaka na iukuuku,Na cakacaka ni liga ni matai.
2 Na nomu vicovico na boulu mokimokiti.
Me kua mada ga ni yali kina na waini veiwaki.
Na ketemu na ibinibini witi,E wavokita na viavia.
3 Na sucumu ruarua e vaka e rua na luve ni dia,Na drua ni kaseli.+
4 Na domomu+ e vaka na vale tabua cecere.+
Na matamu+ e vaka na tobu mai Esiponi,+E volekata na matamata e Pacirapimi.
Na ucumu e vaka na valececere ni LepanoniE donui Tamasiko.
5 Na buradelamu e vakataki Kameli,+Kei na tobe ni drauniulumu*+ e vaka na vutinisipi lokaloka.+
E rawa* na tui na drauniulumu bale.
6 O sa rui matamalumu, o talei sara,O iko noqu daulomani vei ira kece na ka e dau rekitaki!
7 Na kemu balavu e vaka na vuniniuniu,Na sucumu e vaka na isoso vuaniniuniu.+
8 Au kaya, ‘Au na kabata na vuniniuniuMeu taura na tabana e tiko kina na vuana.’
Me vaka mada ga na isoso vuanivaini na sucumu,Me vaka na yapolo na boivinaka ni nomu icegu,
9 Na gusumu* e vaka na waini vinaka duadua.”
“Me gunuva mada vakamalua na noqu daulomani,Me drodro malua ena tebenigusudra na moce tu.”
10 E mateci au na noqu daulomani,+E vinakati au o koya.
11 Mo lako mai noqu daulomaniMe daru lako ina were,Me daru tiko ena maliwa ni vunihena.*+
12 Me daru sou me daru lako ina loganivainiMe daru raica se sa tubu* na vunivaini,Ke sa seraka na sena,+Ke sa se na vunipomekaraneti.+
Au na vakaraitaka e kea na noqu domoni iko.+
13 Sa boivinaka mai na medreki,*+Sa tu ena nodatou katuba na veimataqali vuata vinaka.+
Na ka vou kei na ka makawa,Au maroroya tu me nomu noqu daulomani.
iVakamacala e ra
^ Ipe., “na ulumu.”
^ Se “vesuka.”
^ Ipe., “gadro.”
^ Se “kubu.”
^ Dua na kau e mataqali vata kei na pateta, e vakavuana.
