Sere i Solomoni 8:1-14
-
Goneyalewa (1-4)
-
“Mo vaka mada ga na ganequ” (1)
-
-
Ratou na ganena (5a)
-
‘O cei qo e ravita tiko na nona daulomani?’
-
-
Goneyalewa (5b-7)
-
“Na dodomo e kaukaua me vaka na mate” (6)
-
-
Ratou na ganena (8, 9)
-
“Ke bai, . . . ia ke katuba, . . .” (9)
-
-
Goneyalewa (10-12)
-
“O yau na bai” (10)
-
-
iVakatawanisipi (13)
-
‘Meu rogoca mada na domomu’
-
-
Goneyalewa (14)
-
“Mo totolo me vaka na kaseli”
-
8 “Mo vaka mada ga na ganequ,E sucuma na sucui tinaqu!
Keu raici iko e tuba, au na reguci iko,+Ena sega ni dua ena matalevutaki au.
2 Au na tuberi iko,Au na kauti iko ina vale nei tinaqu,+O koya e vakavulici au.
Au na solia vei iko na waini boivinaka,Na wai ni pomekaraneti.
3 Na ligana imawi ena toka e ruku ni uluqu,Kei na ligana imatau ena mokoti au.+
4 Moni bubului vei au na goneyalewa ni Jerusalemi,Moni kua ni saga moni vakayadrata se uqeta meu veidomoni niu sega ni makutu kina.”+
5 “O cei qo e lako cake tiko mai na vanua talasiga,E ravita tiko na nona daulomani?”
“Au vakayadrati iko ena ruku ni vuniapolo.
Qori na vanua e taratara kina o tinamu.
E taratara e kea o koya me vakasucumi iko.
6 Mo biuti au e lomamu me vaka na ivakadei,Me vaka na ivakadei e ligamu,Ni dodomo e kaukaua me vaka na mate,+Kei na veimateci tudei e yalokaukaua me vaka na iBulubulu.*
E caudre na kena bukawaqa, na bukawaqa i Ja.*+
7 E sega ni bokoca rawa na dodomo na kui ni wai,+Se kuitaka tani na veiuciwai.+
Ke solia na tamata na iyau kece ni nona vale ena vuku ni dodomo,Ena beci sara ga kina.”*
8 “E dua tiko na ganedatou lailai,+E sega na sucuna.
Na cava me datou cakava vei ganedatouEna siga e mai vosaki kina?”
9 “Ke bai o koya,Edatou na tara e delana na bai lailai siliva,Ia ke katuba o koya,Edatou na latia ena papa sitari.”
10 “O yau na bai,Na sucuqu e vaka na valececere.
E matana gona auVaka e dua e vakila na vakacegu.
11 E dua na loganivaini+ nei Solomoni e tiko mai Pealiamoni.
E tataunaka na loganivaini vei ira na ivakatawa.
Era na dui kauta yani e duanaudolu na tikinisiliva me isau ni vuana.
12 E tiko na noqu loganivaini.
E duanaudolu na tikinisiliva* e nomuni Solomoni,E ruanadrau e nodra na qarava tiko na vuana.”
13 “O iko o tiko ena basenikau,+Era rogoca na domomu na nomu itokani.
Meu rogoca mada.”+
14 “Mo kusa noqu daulomani,Mo totolo me vaka na kaseli+Se vaka na dia tagane goneEna veiulunivanua ni kau boivinaka.”
iVakamacala e ra
^ Se “Seoli,” oya na ibulubulu ni kawatamata. Raica na iVakamacala ni Vosa.
^ “Ja” na ivakaleka ni yaca Jiova.
^ Se rawa ni, “o koya.”
^ Ipe., “E duanaudolu.”
