Vei Taito 2:1-15
2 Ia o iko, mo tukuna tiko ga na ka kece e salavata kei na ivakavuvuli dina.+
2 Mera lewa vinaka na qase na nodra itovo, me matua na nodra rai, mera yalomatua, mera dei* ena vakabauta, ena loloma, mera dau vosota.
3 Me rakorako tale ga na nodra itovo na kenamarama, mera kua ni dau vakauvosa, mera kua ni bobula ena gunu waini, mera dau vakavulica na ka vinaka,
4 mera vakasalataki ira kina na yalewa gone mera dau lomani watidra, mera lomani luvedra,
5 mera yalomatua, me savasava nodra itovo, mera dau cakacaka ena nodra dui vale, mera dau yalovinaka, mera vakamalumalumu vei ira na dui watidra,+ me kua ni beci kina na vosa ni Kalou.
6 Mo dau uqeti ira tale ga na cauravou mera yalomatua,+
7 mo ivakaraitaki vinaka ena ka kece o cakava. Vakavulica na ka e dodonu, me matua na nomu rai,+
8 mo cavuta na vosa vinaka e sega ni vakamelei rawa,+ me madua kina o koya e veisaqati, me kua ni tukuna e dua na ka ca me baleti keda.+
9 Mera talairawarawa na bobula vei ira na kedra itaukei ena ka kece ga,+ mera vakamarautaki ira, mera kua ni dau sauma na vosa,
10 mera kua ni butako,+ ia mera yalodina ena nodra vinaka kece, me vakacaucautaki kina na ivakavuvuli ni noda iVakabula, na Kalou, ena ka kece ga.+
11 Ni sa vakatakilai mai na loloma soli wale ni Kalou mera vakabulai kina na tamata kece.+
12 E vakavulici keda meda biuta na ka kece e sega ni salavata kei na loma ni Kalou kei na gagadre ca vakavuravura,+ e vakavulici keda tale ga meda yalomatua, meda yalododonu, meda qarava na Kalou nida tu ena vuravura qo,*+
13 nida waraka tiko na inuinui marautaki+ kei na lagilagi ni nona vakatakilai na Kalou cecere kei na noda iVakabula, o Jisu Karisito,
14 ni a soli koya ena vukuda+ me sereki keda+ mai na ivalavala kece e beci kina na lawa, me vakasavasavataki keda meda nona tamata digitaki, nida gumatua ena cakacaka vinaka.+
15 Mo tukuna tiko ga na ka kece qo, mo veivakauqeti,* mo veivunauci ni sa soli vei iko na kena lewa kece.+ Me kua ni dua e raici iko sobu.
