Vosa Vakaibalebale 12:1-28
12 O koya e taleitaka ni vakavulici e taleitaka na kilaka,+Ia o koya e cata ni vunauci e lecaika.*+
2 Na tamata vinaka e vakadonuya o Jiova,Ia e vakacala o koya na tamata e ca na nona inaki.+
3 E sega ni dua ena vakataudeitaki ena ka ca,+Ia o ira na yalododonu era na sega ni cavuraki.
4 Na yalewa vakawati maqosa e isala talei nei watina,+Ia na yalewa vakawati e vakamadua na nona ivalavala e vaka na mate kakana ena sui nei watina.+
5 Na nodra nanuma na yalododonu e dodonu,Ia na nodra ivakasala na tamata ca e veivakaisini.
6 Na nodra vosa na tamata ca e dai vuni,*+Ia na gusudra na yalododonu ena vakabulai ira.+
7 Nira vakarusai na tamata ca era na yali vakadua,Ia na nodra vale na yalododonu ena tudei.+
8 Ena vakacaucautaki na tamata ni lewa vinaka na gusuna,+Ia o koya e yalovakatani ena beci.+
9 E vinaka o koya e beci qai dua nona dauveiqaraviE ca o koya e dokadokai koya qai sega na kena kakana.*+
10 Na tamata yalododonu e maroroya na nona manumanu,*+Ia na nodra loloma na tamata ca e veivakalolomataki.
11 O koya e teivaka na nona qele ena mamau ena kakana,+Ia o koya e saga tiko na ka wale e sega ni yalomatua.
12 Na tamata ca e vuvutaka na ka era toboka na vo ni tamata ca,Ia na wakadra na yalododonu e vakalewe tiko.
13 Na tamata ca e coriti ga ena veivakacalai ni ka e tukuna,+Ia o koya na yalododonu e bula mai na ka rarawa.
14 Na vua ni ka e tukuna* e dua ena mamau ena ka vinaka,+Na cakacaka ni ligana ena yaga vua.
15 Na nona ivalavala na sesewa e donu ga e matana,+Ia o koya e vuku e rogoca na ivakasala.+
16 Na tamata sesewa e cudru totolo,*+Ia o koya e yalomatua e vosota* ni vakamaduataki.
17 O koya e dau vosa dina ena tukuna na ka dodonu,Ia na ivakadinadina lasu e veidabui.
18 Na vosa vakalialia e vaka na isua ni iseleiwau,Ia na yamedra na vuku e veivakabulai.+
19 Na tebenigusu dau dina ena vakataudeitaki me tawamudu,+Ia na yame lasulasu ena sega ni dede.+
20 Na veidabui e tiko e lomadra na bukana na ca,Ia o ira na uqeta na veiyaloni era marau.+
21 Ena sega ni yacovi ira na yalododonu na ka ca,+Ia o ira na tamata ca ena levu na nodra leqa.+
22 Na tebenigusu lasu e sevaka o Jiova,+Ia o ira e dodonu na nodra ivalavala e taleitaka o koya.
23 Na tamata yalomatua e vunia na ka e kila,Ia na lomana na lialia e tavusoya na ka lialia.+
24 Na ligadra na gugumatua ena veiliutaki,+Ia na ligadra na vucesa ena vakacakacakataki vakaukaua.+
25 Na nuiqawaqawa ni loma ni tamata e lomabibi kina,*+Ia na vosa vinaka ena vakamarautaka.+
26 O koya e yalododonu e vakaraica na nona vanua veico,Ia na nodra ivalavala na tamata ca era lako sese kina.
27 O koya e vucesa ena sega ni vakasasa kena,+Ia e nona iyau talei na tamata na gugumatua.
28 Na sala ni yalododonu e tini ina bula,+Ni muri na kena sala ena sega kina na mate.
iVakamacala e ra
^ Se “yalowai.”
^ Ipe., “waraka lo me vakadavedra.”
^ Ipe., “madrai.”
^ Se “na bula ni nona manumanu.”
^ Ipe., “gusuna.”
^ Se “ena siga vata oya.”
^ Ipe., “ubia.”
^ Se “vakararawataki koya.”
