Vosa Vakaibalebale 8:1-36
8 E kaci tiko o vuku?
E tabalaka tiko na domona o yalomatua?+
2 Ena vanua cecere+ e batinisala,E duri tiko ena basoganisala.
3 Ena yasa ni matamata me curu ina koro,Ena icurucuru ni katuba,E kaci tiko ga vakadomoilevu:+
4 “Au kacivi kemuni tiko,Me rogo yani na domoqu vei kemuni kece.*
5 O kemuni na yalowai moni vulica na yalomatua,+O kemuni na lialia moni rawata na lomavuku.
6 Moni vakarorogo ni bibi na ka au tukuna,Na tebenigusuqu e cavuta na ka dodonu,
7 Ni cavuta vakamalua na gusuqu na ka dina,Na tebenigusuqu e sevaka na ka ca.
8 E dodonu na ka kece e cavuta na gusuqu.
E sega kina na ka takelo se veve.
9 E donu kece vei ira na yalomatuaE dina vei ira na kunea na kilaka.
10 Moni digia na noqu veivakavulici me kua na siliva,Kei na kilaka me kua na koula talei,+
11 Ni vinaka sara na vuku mai na lase,*E sega ni vakatauvatani rawa kei na vo ni veika talei.
12 O yau o vuku, au tiko vata kei yalomatua,Au rawata na kilaka kei na raiyawa.+
13 Na ibalebale ni rerevaki Jiova meda cata na ka ca.+
Au cata na qaciqacia kei na dokadoka,+ na ivakarau ca kei na vosa lasu.+
14 E tu vei au na ivakasala vinaka kei na vuku,+E noqu na yalomatua+ kei na kaukaua.+
15 Ena vukuqu era veiliutaki tiko ga na tui,Era lewa vakadodonu kina na vakailesilesi lelevu.+
16 Ena vukuqu era veiliutaki tiko ga na iliuliu,Era lewa vakadodonu kina na turaga.
17 Au lomani ira na lomani au,Era kunei au o ira na qarai au tiko.+
18 E tu vei au na iyau kei na lagilagi,Na iyau tudei* kei na yalododonu.
19 Na vuaqu e vinaka mai na koula, io na koula savasava,Kei na ka au solia e uasivia na siliva talei.+
20 Au muria na sala ni yalododonu,Ena loma ni sala ni lewadodonu,
21 Au solia na ivotavota vinaka vei ira na lomani au,Au vakasinaita na nodra valeniyau.
22 “E buli au o Jiova meu itekitekivu ni nona cakacaka,+Na imatai ni ka e cakava ena gauna makawa sara.+
23 Au a vakatikori mai liu sara,*+Mai na ivakatekivu, na gauna se bera kina o vuravura.+
24 Ni se sega na wai titobu au a sucu,*+Ni se sega na ivurevure e vuabale kina na wai.
25 Ni bera ni tauyavutaki na veiulunivanua,Ni bera na veidelana au a sucu,
26 Ni bera ni bulia o koya na vuravura kei na kena vanuaSe na imatai ni ibinibini qele e vuravura.
27 Ni vakarautaka o koya na lomalagi,+ au a tiko e kea,Ni vakarautaka na vunilagi* ena delaniwai,+
28 Ni vakataudeitaka na o mai cake,Ni tauyavutaka o koya na ivurevure ni wai titobu,
29 Ni vakarota na wasawasaMe kua ni sivia na nona lewa na kena wai,+Ni vakarautaka* na yavu ni vuravura,
30 Au a tiko e yasana meu matai ligamaqosa.+
E taleitaki au vakalevu+ ena veisiga,Au marau tiko e matana ena gauna kece,+
31 Au marautaka na nona vuravura sa tawa tu,Au taleitaki ira vakalevu na luve ni tamata.*
32 Ia qo kemuni na luvequ, moni rogoci au,Io era marau o ira na muria na noqu sala.
33 Moni rogoca na ivakavuvuli+ moni vuku kina,Moni kua ni vakawalena.
34 E marau na tamata e rogoci auNi lako mai vakamataka* ena noqu katuba e veisiga,Ni wawa volekata tiko na duru ni noqu katuba,
35 O koya e kunei au ena kunea na bula,+Ena vakadonui koya o Jiova.
36 Ia o koya e vakawaleni au e vakaleqai koya ga,Kei ira na cati au era taleitaka na mate.”+
iVakamacala e ra
^ Ipe., “vei ira na luve ni tamata.”
^ Raica na iVakamacala ni Vosa.
^ Se “itovo vulici.”
^ Se “gauna makawa sara.”
^ Se “vakasucumi ena rarawa.”
^ Ipe., “na ka mokimokiti.”
^ Se “lewa.”
^ Se “kawatamata.”
^ Se “yadra tiko.”
