“Era na veivaluvaluti na veivanua kei na veimatanitu . . . Na ka kece qo era itekitekivu ga ni veika rarawa.”

Maciu 24:7, 8

“Era na basika mai e levu na parofita lasu ra qai vakacalai ira e levu, ni tubu na ivalavala tawadodonu, ena batabata na nodra loloma e levu.”

Maciu 24:11, 12

“Ni dou rogoca na ivalu kei na itukutuku ni ivalu, dou kua ni kidroa, era na yaco mada na ka kece qo, ia e se bera ga na icavacava.”

Marika 13:7

“Era na yaco na uneune kaukaua ena levu na vanua, ena tatara na leqa ni kakana kei na matedewa ena levu na vanua, ena raici na veika vakadomobula, ena raici tale ga e lomalagi eso na ivakatakilakila lelevu.”

Luke 21:11

 “Ni na duatani sara na iotioti ni veisiga, ena vakilai kina e levu na ka dredre. Nira na dau lomani ira ga na tamata, era na lomana na ilavo, era na dau tukutukuni ira, era na qaciqacia, era na dau veibeci, era na talaidredre vei ira nodra itubutubu, era na sega ni dau vakavinavinaka, era na sega ni yalodina, sa na yali vei ira na veilomani vakaveiwekani, era na sega ni via okati ena dua na veiyalayalati, era na dau vakauvosa, era na sega ni lewa vinaka na yalodra, era na voravora, era na sega ni vinakata na ka e dodonu, era na dau veiliumuritaki, era na domoqa, era na dokadoka, era na lomana ga na marau era sega ni lomana na Kalou, e vakarairai ga na nodra qarava na Kalou, e sega na kena dina.”

2 Timoci 3:1-5