TARO 5
Na Cava na Usutu ni iVolatabu?
“Au na vakaveimecakitaki iko kei na yalewa, na nomu kawa kei na nona kawa. Ena qaqia na ulumu o koya, o na qai mokuti koya ena bukubukuniyavana.”
“Ena vuku ni nomu kawa era na rawata na veivakalougatataki na matanitu kece kei vuravura ni o vakarorogo ina domoqu.”
“Me yaco mai na nomuni Matanitu. Me caka na lomamuni e vuravura me vaka e caka tiko mai lomalagi.”
“Sega ni dede, na Kalou ni vakacegu ena qai butuqaqi Setani ena ruku ni yavamuni.”
“Ni sa na vakamalumalumutaki na ka kece vua, ena qai vakamalumalumutaki koya tale ga na Luvena vei koya a vakamalumalumutaka na ka kece vua, me rawa ni ka kece ga na Kalou vei ira na tamata kece.”
“E tukuni gona vei Eparama kei na nona kawa na vosa ni yalayala. . . , oya na Karisito. O koya gona, ke oni nei Karisito, oni kawa dina i Eparama, oni itaukei me vaka na vosa ni yalayala.”
“Na matanitu kei vuravura sa mai Matanitu ni noda Turaga kei na nona Karisito, ena veiliutaki vakatui me tawamudu.”
“Sa qai kolotaki sobu na gata levu, na gata makawa, e vakatokai na Tevoro se o Setani, o koya e vakacala tiko na vuravura taucoko, e kolotaki sobu i vuravura, e kolotaki sobu vata kei ira na nona agilosi.”
“E taura na gata levu, na gata makawa, na Tevoro, e yacana tale ga o Setani, qai vesuki koya me 1,000 na yabaki.”
