“Me kua ni lako tani mai gusumu na ivola ni Lawa qo, mo wilika toka e ra ena siga kei na bogi mo muria vinaka na ka kece e volai kina, ena rawa vinaka na nomu sasaga, o na qai valavala vakavuku.”

Josua 1:8

“Era wilika tiko ga e cake na ivola mai na Lawa ni Kalou dina, era vakamacalataka vinaka, era tukuna na kena ibalebale, era mani vukei ira na lewenivanua mera kila na ka e wiliki.”

Niemaia 8:8

“E marau na tamata e sega ni muria na nodra ivakasala na daucaka ca . . . , ia e marautaka na lawa i Jiova, qai wilika e ra na nona lawa ena siga kei na bogi. . . . Na ka kece e cakava ena vuavuaivinaka.”

Same 1:1-3

“Ni cici yani o Filipi ena yasa ni qiqi, e rogoci koya sara ni wilika tiko i cake na ivola i Aisea na parofita, e qai kaya: ‘O kila na ka o wilika tiko?’ E sauma: ‘Meu kila vakacava ke sega ni dua e vakavulici au?’”

Cakacaka 8:30, 31

 “Tekivu mai na gauna a buli kina na vuravura e kilai na veika tawarairai me baleti koya, ya na nona kaukaua e sega ni vakaiyalayala, vaka kina ni o koya dina ga na Kalou, e kilai qori ena veika e buli, e sega kina na nodra iulubale.”

Roma 1:20

“Vakasamataka vakabibi na ka kece qo, me tara sara na lomamu, mera raica na tamata kece na nomu toso.”

1 Timoci 4:15

“Meda dau veinanumi nida veivakauqeti ena loloma kei na caka vinaka, meda kua ni biuta na noda soqoni vata.”

Iperiu 10:24, 25

“Ke dua vei kemuni e lailai vua na vuku, me kerea tiko ga vua na Kalou, ni na soli vua. Ni lomasavu o koya vei keda kece, e sega ni dau vaqara cala.”

Jemesa 1:5