Tekivu ena Janueri 2016, sa tabaki ena daku ni Vale ni Vakatawa baleti ira na lewenivanua na ulutaga “Cava e Kaya na iVolatabu?” E vakarautaki na ulutaga vou qo meda tekivutaka kina na veivosaki ena ulutaga vakaivolatabu. Na kena ituvatuva e tautauvata ga kei na noda tikidua. E tiko na taro vakavure vakasama, na kena isau vakaivolatabu, kei na vica tale na tikina me tomani kina na ­veivosaki.

E dau tauyavu na vuli iVolatabu ni rawarawa na ka e veivosakitaki. ­Vakayagataka na ulutaga qo mo vukea e levu tale me vakacegui nodra viakana vakayalo.—Mac 5:6.

1. Taroga e dua na taro mo kila na rai nei itaukeinivale

2. Vakarorogo qai vakavinavinakataka nona isaunitaro

3. Wilika na tikinivolatabu ena ulutaga “Ka e Kaya na iVolatabu,” taroga nona rai me baleta na tikinivolatabu. Ke levu nona gauna, tomana na veivosaki ni o taroga “Cava Tale Eda Rawa ni Vulica ena iVolatabu?”

4. Solia na mekesini

5. Tuvanaka mo lesu, mo drau veivosakitaka na ikarua ni taro