Tekivu ena yabaki qo, sa na levu na gauna meda vakavakarau kina ena iVakananumi. Ke vakayacori na iVakananumi ena lomanimacawa, ena sega ni caka na soqoni ni Bula vaKarisito kei na Cakacaka Vakaitalatala ena macawa qori. Ke vakayacori na iVakananumi ena muanimacawa, ena sega ni caka na vunau soqovi levu kei na vulici ni Vale ni Vakatawa. Vakacava o na vakayagataka vinaka na gauna galala qori? E macala ni vinakati na tuvatuvanaki ena soqo bibi qo me vaka ena imatai ni senitiuri. (Lu 22:7-13; km 3/15 1) Ia e bibi vei keda kece meda vakarautaka na lomada. Ena sala cava?

• Vakasamataka na inaki ni nomu tiko ena soqo.—1Ko 11:23-26

• Vakasamataka qai masulaka nomu veiwekani kei Jiova.—1Ko 11:27-29; 2Ko 13:5

• Wilika qai vakasamataka na ulutaga vakaivolatabu me baleta na ibalebale ni iVakananumi.—Jn 3:16; 15:13

Eso na dautukutuku era dau wilika qai vakasamataka vakatitobu na Tikinivolatabu ni iVakananumi e vakarautaki ena Dikevi ni Tikinivolatabu e Veisiga. Eso tale era wilika na tikinivolatabu ena kato e toka e ra. Eso tale era vulica na Vale ni Vakatawa e vakamacalataki kina na iVakananumi, kei na nodrau lomani keda o Jiova kei Jisu. Se mani cava o digia mo vulica, me vakatitobutaka mada ga nomu lomani Jiova kei Luvena.