Na cava e veimulomulo kina o Jekope kei na agilosi? E vinakata me vakalougatataki koya o Jiova. (Vte 32:24-31; Ose 12:3, 4) Vakacava o keda? Eda gumatua ni talairawarawa vei Jiova me vakalougatataki keda? Kena ivakaraitaki, cava eda na cakava ke vinakati meda digia meda tiko ena soqoni se suka bera ena cakacaka? Nida solia vei Jiova na noda gauna, kaukaua, kei na iyau, ena sova mai na “veivakalougatataki me kua ni dua e leqa ena dua na ka.” (Mal 3:10) Ena dusimaki keda, taqomaki keda, ena vakarautaka tale ga na ka meda bula kina.—Mac 6:33; Ipe 13:5.

SARAVA NA VIDIO DEI TIKO GA ENA ISAUSAU VAKAYALO, QAI SAUMA NA TARO QO:

• E vakatovolei vakacava na tacida yalewa ena ka e taleitaka?

• E rawa vakacava nida vakatovolei ena noda cakacaka?

• Cava e vinakati kina me tiko nona isausau vakayalo o Timoci ni sa tamatabula vakayalo?—1Tm 4:16

• Ena kilai vakacava na noda “cakacaka nabadua”?