Ni bera mada ga ni vakarautaki e dua na lawa me baleta na qaravi matakau, e vinakata o Jiova me qaravi duadua ga. (Ly 20:3-5) Ni tukuna gona vei Jekope me lesu tale i Peceli, e vakaroti ira kece era tiko kei koya mera biuta tani na nodra matakau. E qai buluta o Jekope na matakau, wili kina na sau e rairai daramaki me itataqomaki. (Ly 35:1-4) E marautaka o Jiova na ka e cakava o Jekope.

Ena noda gauna, eda na vakaraitaka vakacava nida qaravi Jiova duadua ga? Meda qarauna na ka e sema ina qaravi matakau kei na vakatevoro. Qo e okati kina na iyaya e vakayagataki ena vakatevoro. Meda dikeva vinaka tale ga na ka ni veivakamarautaki eda digia. Kena ivakaraitaki, mo taroga: ‘Au dau taleitaka na ivola se iyaloyalo e vakaraitaki kina na yalo, daugunu dra (vampire), kei na nodra bula tale na mate (zombie)? Vakacava e nanumi ni ka ni lasa na daucakaiba, vakacuru, kei na vosamuri?’ E bibi meda kua sara ga ni vakataratara na ka e cata o Jiova.—Sm 97:10.

SARAVA NA VIDIO “VORATA NA TEVORO” QAI SAUMA NA TARO QO:

• Na cava e sotava o Palesa?

• Na cava meda kerea kina nodra veivuke na qase ni ivavakoso ena leqa e vauca na vakatevoro?

• Ke da vinakata me taqomaki keda o Jiova, na cava meda biuta tani?

• Na cava e qai cakava o Palesa?

• O na vorata vakacava na veivakamuai ni timoni ena vanua o tiko kina?