VUNA E BIBI KINA: Na “nanuma ni loma ni tamata e vaka na wai titobu,” ia na taro e vaka na vokete me takiva mai. (Vvb 20:5) E veiuqeti na taro meda kila kina na nodra vakasama na vakarorogo tiko. E dau yaga na isaunitaro va qori ena ka meda tukuna lesu vei ira. E dau maqosataka o Jisu na nona taro. Eda na vakatotomuri koya vakacava?

KENA IWALEWALE:

• Taro vakavure vakasama. E taroga veitaravi o Jisu e vica na taro vakavure vakasama me kila nodratou rai na nona tisaipeli. (Mac 16:13-16; be 238 ¶3-5) Na taro vakavure vakasama cava o na rairai taroga?

• Taroga na taro e rawa ni saumi. Ni vakadodonutaka tiko o Jisu na nona rai o Pita, e taroga na taro, e tukuna tale ga na ka e rawa ni kena isau, me vukei Pita me kila na ka me cakava. (Mac 17:24-26) Na taro cava o na rawa ni vukea kina e dua me kila na ka me cakava?

• Vakavinavinakataki ira. Ni “sauma vinaka sara ga” na vunivola e dua na taro, e vakavinavinakataki koya o Jisu. (Mar 12:34) Ni dua e sauma na taro, o na vakavinavinakataki koya vakacava?

SARAVA NA IMATAI NI IWASEWASE NI VIDIO CAKAVA NA CAKACAKA A CAKAVA O JISU—VEIVAKAVULICI, SAUMA NA TARO E TARAVA:

• Sa donu tiko na itukutuku, ia na cava ga e sega ni vinaka kina na iwalewale ni veivakavulici qo?

• Na cava e sega ni vinaka kina meda vakamacala wale ga?

SARAVA NA IKARUA NI IWASEWASE NI VIDIO, SAUMA NA TARO E TARAVA:

• E maqosataka vakacava na tacida na nona taro?

• Cava eso tale na iwalewale ni nona veivakavulici eda rawa ni vakatotomuria?