IYAU MAI NA VOSA NI KALOU | MACIU 18-19
Kua ni Veivakatarabetaki
E vakayagataka o Jisu e dua na ivakatautauvata me vakavulica na ka e rawa ni yaco nida tarabe se veivakatarabetaki.
Na vosa “veivakatarabetaki” e dusia na itovo se ituvaki e vakavuna me cakava kina e dua na ka e sega ni dodonu, me tarabe se sikalutu, se valavala ca
O koya e veivakatarabetaki e vinaka cake me vesu i domona na vatuniqaqaqi qai vakadromuci i wasawasa
Vatuniqaqaqi
E vakasalataki ira nona imuri o Jisu mera kauta tani na ka talei mada ga me vaka na ligadra se mera leuta na matadra ke vakatarabetaki ira tiko
E vinaka cake me kau tani na veika talei qori meda rawa kina ni curu ina Matanitu ni Kalou, ke sega eda na tini ga i Qiena, na vanua e vakatakarakarataka na rusa vakadua
Na cava e rawa ni vakatarabetaki au, au na qaqarauni tale ga vakacava meu kua ni tarabe se veivakatarabetaki?
