VUNA E BIBI KINA: Mera bula na tamata, e bibi mera masuta na yaca i Jiova. (Rom 10:13, 14) Ia era na sega ni bulataka kece na ivakatagedegede i Jiova o ira na via vulica na iVolatabu. Eda na vakayagataka vinaka noda gauna ena cakacaka vakaitalatala meda vukei ira na via veisautaka dina nodra itovo mera vakamarautaki Jiova. Ke sega ni cakava na veiveisau o gonevuli ena loma ni dua na gauna, e ka vakayalomatua me tini na vuli, da qai solia noda gauna vei ira na vagolea mai o Jiova, kei na nona isoqosoqo. (Jn 6:44) Ia gauna cava e rawa ni tomani tale kina na vuli? Ni sa vakaraitaka ni dua vei ira na ‘yalomalumalumu e muria na sala me bula tawamudu.’—Cak 13:48.

KA MO CAKAVA:

• Vakavinavinakataki gonevuli ni via mai vulica na ka dina.—1Tm 2:4

• Tukuna vua ni bibi me muria na ka e vulica.—Lu 6:46-49

• Vakamacalataka vakayalovinaka vua na vosa vakatautauvata i Jisu me baleta na dauteitei, qai kerei koya me vakasamataka na ka e tarova tiko nona toso.—Mac 13:18-23

• Vakamacalataka vakavinaka na vuna o sa tinia kina nona vuli

• Kaya vua ni o na lai vakauqeti koya ena so na gauna, ena rawa ni toso tale nona vuli ke cakava na veiveisau

SARAVA NA VIDIO, QAI SAUMA NA TARO QO:

• O kila vakacava ena ivakarau ni veivosaki ni sa sega ni toso vakayalo o gonevuli?

• E vukei gonevuli vakacava o dautukutuku me kila ni dodonu me cakava eso na veisau?

• E vakaraitaka vakacava o dautukutuku ni tu vakarau me veivakavulici tale ena dua na gauna?