Ke o dua na dautukutuku itabagone se bera ni papitaiso se o vuli iVolatabu tiko, vakacava e nomu isausau mo papitaiso? Na cava o via papitaiso kina? Na yalayala kei na papitaiso e itekitekivu ni nomu veiwekani talei kei Jiova. (Sm 91:1) Ena vakabulai keda tale ga. (1Pi 3:21) Na cava mo cakava mo rawata kina na nomu isausau?

Mo vakadeitaka ni qo na dina. Ke o lomatarotarotaka eso na ka, mo vakekeli. (Rom 12:2) Mo kila na veisau mo cakava, mo vakadeitaka me nomu inaki mo vakamarautaki Jiova. (Vvb 27:11; Efe 4:23, 24) Masuti koya wasoma me vukei iko. Mo nuidei ni na vakaukauataki iko o Jiova, ena tokoni iko tale ga na kaukaua ni nona yalo tabu. (1Pi 5:10, 11) Ena yaga dina na nomu sasaga. Nomu qaravi Jiova e ivakarau ni bula vinaka duadua!—Sm 16:11.

SARAVA NA VIDIO VEIVEISAU ME RAWATI NA PAPITAISO, OTI QAI SAUMA NA TARO QO:

• Na veiveisau cava era cakava eso mera papitaiso kina?

• O na bucina vakacava na vakabauta mo rawa ni yalataki iko vei Jiova?

• Na cava e uqeti ira eso mera papitaiso?

• O Jiova e vakalougatataki ira vakacava na digia mera qaravi koya?

• Na cava na ibalebale ni yalayala kei na papitaiso?