Me vaka ga nona tuvanaki ira na Isireli o Jiova, e tuvanaki ira tale ga na nona tamata nikua mera cakava na lomana. Era cakacaka vata na valenivolavola ni tabana e veiyasa i vuravura, tabacakacaka, ivavakoso, kei na iwasewase yadua ni vunau, mera kacivaka na itukutuku vinaka. Eda vunau vei ira na tamata kece, wili kina o ira e duatani na nodra vosa.—Vta 14:6, 7.

O vakasamataka tiko mo vulica e dua tale na vosa mo vukea eso mera kila na ka dina? Ke sega mada ga na gauna mo vuli vosa kina, o rawa ni vakayagataka na porokaramu na JW Language mo vulica eso na vakatutu rawarawa. Oti, mo vakayagataka sara ena vunau. O na rawa ni marau kina me vakataki ira na tacida ena imatai ni senitiuri, era qoroqoro na lako mai na veivanua nira rogoca “na veika vakatubuqoroqoro ni Kalou” ena nodra vosanisucu.—Cak 2:7-11.

SARAVA NA VIDIO MO ITOKANI I JIOVA—VUNAU ENA SO TALE NA VOSA, QAI SAUMA NA TARO QO:

• Na gauna cava o rawa ni vakayagataka kina na JW Language?

• Cava soti e tiko kina?

• Na vosa cava era kila ena nomu yalava?

• Na cava o na cakava ke o sotava e dua na tataleitaki e duatani na nona vosa?—od 100-101 ¶39-41