E raica vakabibi o Jiova na bubului ni vakamau. E kaya me rau tiko vata ga na veiwatini. (Mac 19:5, 6) Era maliwai keda na tamata ni Kalou e levu na veiwatini ivakaraitaki vinaka. Ia e sega ni dua na vakawati e uasivi, e dau yaco eso na leqa. Meda kua ni muria na rai sa takalevu tu me baleta na veibiu kei na veisere ni rau duiyaloyalo na veiwatini. Era na taqomaka vakacava na lotu vaKarisito na nodra vakawati?

Qo e lima na tikina bibi.

1. Taqomaka na lomamu ni o cata na wede kei na ka ni veivakamarautaki vakasisila ena vakaluluqataka na ivau ni vakawati.—Mac 5:28; 2Pi 2:14.

2. Vaqaqacotaka nomu veiwekani kei Jiova, guta tiko ga mo vakamarautaki koya vakalevu ena nomu vakawati.—Sm 97:10.

3. Sulumaka tiko ga na itovo vou, cakava eso na ka lalai ena marautaka o kemu isa.—Kol 3:8-10, 12-14.

4. Vakaraitaka tiko ga na veidokai, veivosaki vinaka.—Kol 4:6.

5. Solia vei watimu na ka e dodonu me nona ena loloma.—1Ko 7:3, 4; 10:24.

Nira doka na lotu vaKarisito na nodra vakawati, era sa dokai Jiova tiko ni tauyavutaka na vakawati.

SARAVA NA VIDIO MEDA ‘CICI TIKO GA ENA VOSOTA’—TALAIRAWARAWA INA LAWA NI VEITAUCICI, OTI QAI SAUMA NA TARO QO:

• Ena rawa ni tekivu vinaka na vakawati, ia na ituvaki dredre cava ena rairai basika?

• Na ivakavuvuli vakaivolatabu cava ena vukei ira na isa ni vakawati era vakila nira sega ni lomani?

• Na lawa cava e tauyavutaka o Jiova me baleta na vakawati?

• Me marautaki na vakawati, na cava e vinakati vei rau na veiwatini?