Na cava eda marautaka kina na soqo ni veiwasewase e veiyabaki? Me vaka ga nodra soqo na Isireli ena gauna makawa, eda duavata tale ga ena soqo ni veiwasewase kei ira na vica vata na drau se udolu na tacida meda sokaloutaki Jiova. Eda marautaka na levu ni kakana vakayalo e vakarautaki kina. E guiguilecavi dredre tale ga na gauna eda vakayagataka kei ira na tacida kei na vuvale. Na levu gona ni noda taleitaka, eda vinakata kina meda tiko ena tolu na siga ni soqo.

Ni se rawa nida soqoni vata, meda kua ni vakasamataka tiko ga na kena yaga vei keda yadua, ia meda vakasamataka tale ga na sala meda vakaraitaka kina na loloma. (Kal 6:10; Ipe 10:24, 25) Kena ivakaraitaki, eda vakaraitaka nida kauaitaka na ka me baleti ira eso tale nida dolava na katuba vei ira na tacida, eda maroroya ga na idabedabe eda na vakayagataka. (Flp 2:3, 4) Na soqo ni veiwasewase e gauna vinaka me so tale kina na noda itokani. Ni bera ni tekivu se cava na porokaramu vaka kina ena gauna ni vakasigalevu, eda rawa ni veikilai kina kei ira eda sega tu ni kila. (2Ko 6:13) Ena rawa ni dei na veitokani qori! Koya e bibi, ena rawa nira mai tomani keda ena qaravi Jiova o ira na raica na noda veilomani.—Jn 13:35.

SARAVA NA VIDIO SOQO NI VEIMATANITU “E SEGA VAKADUA NI SEAVU NA LOLOMA”! QAI SAUMA NA TARO QO:

• E vakaraitaki vakacava na loloma vei ira na sureti yani ena soqo ni veimatanitu ena 2019?

• Na cava e vakasakiti kina nodra duavata kei na nodra veilomani na tamata ni Kalou?

• Na ivakaraitaki cava ni loloma vaKarisito eratou vakabibitaka na lewe ni iLawalawa Dauvakatulewa?

• E vakaduavatataki ira vakacava na tacida e Jamani kei Sauca Korea na nodra loloma vaKarisito?

• Na cava eda vakadeitaka meda cakava?