Na cava o dau leqataka e veisiga? O dua na ulunivuvale o qarava e levu na itavi? O itubutubu le dua o sasaga tiko mo qarava nomu vuvale? O dua na gonevuli, era dau vakasagai iko na nomu icaba? O tautauvimate se o sa bula vaqase? O keda kece e tu na noda leqa. Levu na tacida era sotava e levu na leqa ena dua ga na gauna. Ia eda kila ni sa voleka meda sereki se galala mai kina.—2Ko 4:16-18.

Me yacova na gauna qori, e veivakacegui ni kila vinaka tu o Jiova na noda leqa, e marautaka noda yalodina kei na vosota, ena vakalougatataki keda vakalevu. (Jr 29:11, 12) E kauaitaki keda tale ga o Jisu. Nida qarava tiko na noda itavi vaKarisito, e vakadeitaka vei keda: “Au tiko vata kei kemuni.” (Mac 28:20) Ni tiko na gauna meda vakasamataka kina vakabibi na noda sereki ena Matanitu ni Kalou, ena dei na noda inuinui, eda na vosota tale ga na veika dredre.—Rom 8:19-21.

SARAVA NA VIDIO VAKARAICI JISU VINAKA NI SA VOLEKA MAI NA VEIVAKARUSAI!—VEIVAKALOUGATATAKI NI MATANITU NI KALOU, QAI SAUMA NA TARO QO:

• E yawaka vakacava na Kalou na kawatamata? Cava e yaco kina?

• Na bula vakacava e waraki ira tu na yalodina vei Jiova?

• E rawati vakacava na veivakalougatataki se bera mai?

• Na veivakalougatataki cava ena vuravura vou o vakanamata kina?