Eda via vakamarautaki Jiova ena ka kece eda cakava. (Vvb 27:11) Meda cakava qori, e bibi me laurai ena noda vakatulewa na ivakarau ni vakasama i Jiova ke sega ni dua na lawa matata se ivakaro me dusimaki keda. Eda na cakava vakacava qori?

Dei ena ituvatuva ni vuli iVolatabu. Na gauna kece eda wili iVolatabu kina, e vaka ga eda veimaliwai tiko kei Jiova. Eda vulica nona rai ena ka e dau cakava vei ira na nona tamata kei ira era cakava na ka vinaka se na ka ca e matana. Ni vinakati meda vakatulewa, na yalo tabu ena vukei keda meda nanuma na ka bibi eda vulica kei na ivakavuvuli mai na Vosa ni Kalou.​—Jn 14:26.

Dau vakekeli. Ni bera ni o vakatulewa, mo taroga, ‘Na tikinivolatabu se itukutuku cava ena iVolatabu ena vukei au meu kila na rai i Jiova me baleta e dua na ka?’ Masuta na veivuke i Jiova, vakayagataka na ivukevuke vakayalo e vakarautaki ena nomu vosa mo vakekeli kina, mo raica na ivakavuvuli vakaivolatabu ena yaga ena kemu ituvaki.​—Sm 25:4.

SARAVA NA VIDIO MEDA ‘CICI TIKO GA ENA VOSOTA’​—KANIA NA KAKANA BULABULA, OTI SAUMA NA TARO QO:

• Na ituvaki dredre cava e sotava na tacida yalewa ena vidio?

  Your answer

• O na vakayagataka vakacava na ivukevuke vakayalo mo vakekeli kina ni o sotava na ituvaki va qori?

  Your answer

• Ena yaga vakacava ni tiko na gauna meda vakekeli kina, meda vuli tale ga vakataki keda meda vakatulewa vinaka kina?​—Ipe 5:​13, 14

  Your answer