E rawa ni veisautaka noda bula na Vosa ni Kalou. (Ipe 4:12) Me yaga vei keda na kena veidusimaki kei na ivakasala, e bibi meda vakabauta ni “vosa ni Kalou.” (1Ce 2:13) Eda vaqaqacotaka vakacava noda vakabauta na iVolatabu?

Wilika e dua na wase ni iVolatabu e veisiga. Ni o wilika tiko, saga mo raica na ivakadinadina ni vakavuna o Jiova. Kena ivakaraitaki, dikeva na ivakasala ena ivola na Vosa Vakaibalebale qai raica na kena yaga vei keda ena gauna qo.​—Vvb 13:20; 14:30.

Mo vakekeli. Saga mo kila na ivakadinadina e vakaraitaka ni uqeti vakalou na iVolatabu. Ena iDusidusi ni Vakadidike ni iVakadinadina i Jiova, raica na ulutaga “Na iVolatabu” oti raica na “Uqeti vaKalou.” O rawa ni vaqaqacotaka tale ga nomu vakabauta ni sega ni veisau na iVolatabu ni o raica na iKuri A3 ena Vakadewa ni Vuravura Vou.

SARAVA NA VIDIO VUNA MEDA VAKABAUTA KINA . . . NA VOSA NI KALOU, OTI SAUMA NA TARO QO:

• E vakadeitaka vakacava na dina ni Vosa ni Kalou na kena kunei na lalaga ni dua na valenisoro mai Karnak, Ijipita?

  Your answer

• Eda kila vakacava ni sega ni veisau na itukutuku ni iVolatabu?

  Your answer

• Na kena sega ni vakarusai na iVolatabu e vakadeitaka vakacava vei iko ni Vosa ni Kalou?​—Wilika Aisea 40:8

  Your answer