Cava mo vakavakarau kina? Rawa nida tauvimate vakasauri, se curu e valenibula. Ni bera na leqa, mo vakayagataka na ka ni veivuke e vakarautaki vei keda. O na rawa kina ni qaravi vinaka vakavuniwai. Ni o cakava qori, o vakaraitaka ni o doka na bula kei na lawa i Jiova me baleta na dra.​—Cak 15:​28, 29.

Cava mo cakava?

• Mo masu, oti vakalewena vinaka na tikidua ni dra, durable power of attorney (DPA). a Mera kerea qori na dautukutuku papitaiso vua na tacida e qarava tiko na ivola, kei na Identity Card (ic) me nodra na luvedra lalai

• Ke o bukete, kerea vei ratou na qase na fomu Information for Expectant Mothers (S-401). Ena yaga na fomu qori mo vakatulewataka vinaka na veivuke me caka ke yaco na leqa ni o bukete tiko kei na gauna ni vakasucu

• Ke vinakati na veiqaravi vakavuniwai e vauca na dra se mo curu e valenibula, tukuna rawa vei ratou na qase ni ivavakoso. Tukuna tale ga e valenibula ni o vinakata mera sikovi iko mai na qase ni ivavakoso ni iVakadinadina i Jiova

Era na veivuke vakacava na qase? E rawa nira vukei iko mo vakalewena nomu tikidua ni DPA. Ia era na sega ni vakatulewataka na veiqaravi vakavuniwai me caka, se tukuna nodra rai ena ka eda na dui vakatulewa kina. (Rom 14:12; Kal 6:5) Ni o tukuna vei ratou na qase ena nomu ivavakoso ni o na qaravi vakavuniwai e vauci tiko kina na dra, ratou na qiri vakatotolo ina Komiti Veitaratara kei na Valenibula (Hospital Liaison Committee se HLC) me vukei iko. Rawa ni ratou solia tale ga vei iko na fomu Information for Patients Requiring Surgery and/or Chemotherapy (S-407). Ena yaga sara na fomu qo ke o na qaravi tiko ga vakavuniwai ni oti na veisele.

Ena veivuke vakacava na Komiti Veitaratara kei na Valenibula? Era vakavulici na tacida era lewe ni Komiti qori mera vukei ira na veiqaravi vakavuniwai se veiqaravi vakalawa mera kila na noda rai vakaivolatabu me baleta na dra. Rawa ni ratou vakamacalataka na veiqaravi vakavuniwai me kua kina ni tauri na dra. Rawa mada ga ni ratou vaqara na vuniwai e veitokoni ena noda vakatulewa meda kua ni taura na dra.

SARAVA NA VIDIO VEIQARAVI VAKAVUNIWAI ME BALETA NA DRA, OTI SAUMA NA TARO QO:

• Na cava o vulica ena vidio ena yaga ena nomu vakarautaki iko, ke o tauvimate vakasauri qai vinakati na veiqaravi vakavuniwai e vauci kina na dra?

  Your answer