Era cakacaka vakaukaua na mataveitacini mera vakarautaka na vakatutu ni veivosaki, e levu na dautukutuku era raica na kena yaga ena nodra yalava. Ia ni duidui na ituvaki e veiyasa i vuravura, e rawa nira vakayagataka ena nodra cakacaka vakaitalatala e dua tale na vakatutu se veivosakitaka e dua tale na ulutaga era na taleitaka o ira ena yalava. Ni vakayacori na vunau lavotaki, meda muria kece na idusidusi e vakarautaki. E noda isausau meda vakayacora na ivakaro i Jisu meda vunautaka na itukutuku vinaka ni Matanitu ni Kalou.—Mac 24:14.

Nira lesi ena itavi ni gonevuli na dautukutuku, mera veivosakitaka na vakatutu ni veivosaki ena iVola ni Soqoni ni Bula vaKarisito. Ia ke sega na idusidusi matata, e rawa nira vakayagataka na taro, tikinivolatabu, vakatutu se ituvatuva ena laulau ena nodra yalava. Qo e veisau kina na idusidusi e volai ena tabana e 8 ena iVola ni Soqoni ni vula o June 2020.