Ena vula o Seviteba eda na gumatua ni sureti ira na itaukeinivale mera vulica na iVolatabu, ni vakayagataki na brochure Marau me Tawamudu! Rawa nira painia veivuke na dautukutuku me 30 na aua. Eda na vakaitavi vakacava ena vunau lavotaki qo?

• Ena iMatai ni Veisiko: Vakayagataka na daku ni brochure mo uqeta me tataleitaki o itaukeinivale, tovolea sara mo vakaraitaka na icakacaka ni vuli iVolatabu. Nanumi ira tale ga na tataleitaki ena veigauna sa oti, wili kina o ira na veisikovi lesu. Ke ra sega ni via vuli iVolatabu ena gauna ya, de dua era na rairai taleitaka na iwalewale vou ni vuli kei na brochure vou. Me kua ni biu na brochure ena vale lala se vakau kei na ivola vei ira era se sega ni tataleitaki. Rawa ni tuvanaka na Komiti ni Cakacaka ni iVavakoso eso tale na gauna ni sota ni cakacaka vakavunau ena vula qori.

• Eso Tale na iWalewale: Ke vakayagataka na ivavakoso na qiqi ni vunau, me biu kina na brochure Marau me Tawamudu! Tukuna vei ira na tataleitaki era taura na brochure qori ni rawa nira vuli iVolatabu sega ni saumi. Vakaraitaka vakalekaleka na icakacaka ni vuli, se tuvanaka e dua tale na gauna mo cakava kina qori. E rawa ni tuvanaka na ivakatawa ni cakacaka eso na dautukutuku matua mera vunau ena yalava ni bisinisi, mera veisureti tale ga ina vuli iVolatabu. O rawa ni sureta e dua drau cakacaka vata se ni o vunau tawalokuci me vuli iVolatabu.

E vakaroti keda o Jisu meda ‘veivakatisaipelitaki,’ ‘meda vakavulici ira.’ (Mac 28:19, 20) Eda na rawata qori nida vakaitavi ena vunau lavotaki qo ni vakayagataki na brochure Marau me Tawamudu!