E levu na masu e volai ena iVolatabu e sauma o Jiova. Nira raica na nona dauveiqaravi ni rogoca na ka era dui kauai kina qai vukei ira, e dei sara ga nodra vakabauta. E vinaka gona me matata noda masu da qai saga meda kila ni sa saumi. Nanuma tiko ni rawa ni duidui na sala e sauma kina o koya, se levu sara mai na ka eda kerea. (2Ko 12:7-9; Efe 3:20) Na cava ena rairai vakarautaka o Jiova me sauma kina noda masu?

• Rawa ni vakarautaka na kaukaua vakayago, vakayalo, me dei tale ga na lomada meda vosota kina na leqa.—Flp 4:13

• Na vuku meda vakatulewa vinaka kina.—Jem 1:5

• Na igu kei na kaukaua meda cakava kina e dua na ka.—Flp 2:13

• Na vakacegu ena gauna eda lomaleqa kina.—Flp 4:6, 7

• Nodra veitokoni vakayago se nodra veivakacegui eso tale.—1Jn 3:17, 18

• E vukei ira eda masulaka.—Cak 12:5, 11

SARAVA NA VIDIO E “DAUROGO MASU” O JIOVA, OTI SAUMA NA TARO QO:

• E uqeti keda vakacava na ka e sotava o Brother Shimizu ke lailai na ka eda cakava nida sa tautauvimate?

• Eda na vakatotomuri Brother Shimizu vakacava?