E vinakata o Jiova mera marau na vuvale. (Sm 127:3-5; Dvu 9:9; 11:9) Ia e rawa ni vakaleqa noda marau na lomaocaoca ni vuravura qo kei na nodra malumalumu na lewenivuvale. Na cava mera cakava na lewenivuvale yadua mera marau kina?

Ena rokovi watina o tagane vakawati. (1Pi 3:7) Me tiko na gauna me rau dau veimaliwai kina. Ena sega ni namaka vakasivia vua na ka, ena vakaraitaka tale ga nona vakavinavinaka ena ka e cakava vua kei ratou e vale. (Kol 3:15) E vakaraitaka ni lomani watina, e vakacaucautaki koya tale ga.—Vvb 31:28, 31.

Ena dau tokoni tagane o yalewa vakawati. (Vvb 31:12) E vakarorogo vua, rau na cakacaka vata. (Kol 3:18) E vosa vakayalovinaka vua, ena tukuna tale ga na ka vinaka me baleti koya.—Vvb 31:26.

O rau na itubutubu, rau na vakayagataka nodrau gauna vei luvedrau. (Vkr 6:6, 7) Rau tukuna vei ratou na gone ni rau lomani ratou. (Mac 3:17) Ni rau veivakadodonutaki, rau na vakaraitaka tiko ga na loloma kei na yalomatua.—Efe 6:4.

O ira na gone mera rokovi rau na itubutubu, era talairawarawa tale ga vei rau. (Vvb 23:22) Era na tukuna nodra rai kei na lomadra vei rau na itubutubu. Era na sega ni leva nira vakadodonutaki, era na dokai rau tiko ga.—Vvb 19:20.

SARAVA NA VIDIO ME MARAU NOMU VUVALE, OTI SAUMA NA TARO QO:

Na cava eratou cakava yadudua me marau kina nodratou vuvale?