Okosita 5-11

IYAU MAI NA VOSA NI KALOU

1. ‘Tukuna ina iTabatamata’ e Tarava na Kaukaua ni Kalou

(10 min.)

E vakadinadinataka o Tevita na veitaqomaki i Jiova ni se gone (Sm 71:5; w99 1/9 18 ¶17)

E kila o Tevita ni tokoni koya tu ga o Jiova ni sa qase mai (Sm 71:9; g04 10/8 23 ¶3)

E vakayaloqaqataki ira na gone o Tevita ni wasea na ka sa kila tu (Sm 71:17, 18; w14 15/1 23 ¶4-5)

MO TAROGA, ‘O cei na tacida sa dede sara nona veiqaravi ena ivavakoso au na via vakataroga ena neitou Sokalou Vakavuvale?’

2. Vakekeli ena Vosa ni Kalou

(10 min.)

Sm 72:8—E vakayacori vakacava nona yalayala o Jiova vei Eparama ena Vakatekivu 15:18 donuya na veiliutaki nei Tui Solomoni? (it-1 768)

Nomu isaunitaro
Na iyau vakayalo cava ena wili iVolatabu ni macawa qo o via vakamacalataka?

Nomu isaunitaro

3. Wili iVolatabu

(4 min.) Sm 71:1-24 (th lesoni 5)

GUMATUA ENA CAKACAKA VAKAITALATALA

4. Tekivutaki na Veivosaki

(3 min.) E VEIVALE. Ke tekivu veiba o itaukeinivale, mo tinia vakavinaka nomudrau veivosaki. (lmd lesoni 4 poidi 5)

5. Lesuvi Ira

(4 min.) VUNAU TAWALOKUCI. Tomana na veivosaki kei na dua na wekamu e lomalomarua me vulica na iVolatabu. (lmd lesoni 8 poidi 4)

6. Vakamacalataka Nomu Vakabauta

(5 min.) Vunau. ijwfq 49—Ulutaga: Vuna Era Veisautaka Kina na iVakadinadina i Jiova Eso na ka Era Vakabauta? (th lesoni 17)

NODA BULA VAKARISITO

7. Vakatutu ni Sokalou Vakavuvale

(15 min.) Mera vakaitavi na vakarorogo.

Na Sokalou Vakavuvale e gauna bibi mera vulica kina na gone na “ivakavuvuli kei na ivakasala i Jiova.” (Efe 6:4) Na vuli e vinakati kina na sasaga, ia e rawa ni marautaki, vakabibi ke ra vinakata na gone mera kila eso tale na ka dina vakaivolatabu. (Jn 6:27; 1Pi 2:2) Mera railesuva na itubutubu na kato “ Vakatutu ni Sokalou Vakavuvale” me rawa nira veivakavulici, me marautaki tale ga, oti me veivosakitaki na taro qo:

Na vakatutu cava o na via muria?

Nomu isaunitaro
O raica e dua tale na iwalewale e yaga?

Nomu isaunitaro

VAKATUTU NI SOKALOU VAKAVUVALE

IVOLATABU:

Rogoca na katokatoni ni wase ni iVolatabu e vakarautaki ena dua na macawa, se dou wilika vakadomoilevu. Rawa ni dou lesi yadua mo dou wilika na ka era tukuna na talanoataki tiko kina
Dou vakavakarau ena taro ni wili iVolatabu e veimacawa. Me ratou digia na lewenivuvale e dua na taro me ratou vakekeli kina. Oti me ratou tukuna na ka ratou vulica
Taroga e dua na taro se vakamacalataka e dua na ituvaki, oti mo dou vakelia na kena ivakavuvuli vakaivolatabu ena ivola iDusidusi ena Noda Bula vaKarisito
Dramataka e dua na italanoa vakaivolatabu
Vola eso na tikinivolatabu e veimacawa, me vaka e tiko ena ikuri A ena brochure Lomani Ira—Mera Tisaipeli, saga mo cavuqaqataka na tikinivolatabu. Railesuva na tikinivolatabu ena vica na macawa sa oti
Vulica e dua na wase ni ivola Marau me Tawamudu!
Lesi ratou na lewenivuvale me ratou vakamacalataka e dua na ulutaga mai na iwasewase “Saumi na Taro Vakaivolatabu” se “Vakamacalataki na Tikinivolatabu,” e tiko ena IVAKAVUVULI VAKAIVOLATABU ena jw.org

SOQONI:

Vakarautaka e dua na iwasewase ni soqoni
Vakarautaka nomu ivakamacala, vakatovotovotaka. Nanuma tiko na gauna
Vakatovotovotaka na sere ni soqoni
Veivosakitaka na ka me tukuni me uqeti kina e dua ni bera na soqoni se ni oti na soqoni e tarava, vakatovotovotaka tale ga
Vakatovotovotaka nona itavi ena koronivuli e dua na lewenivuvale

CAKACAKA VAKAITALATALA:

Vakavakarau ena cakacaka vakavunau
Vakavakarau ena nomu veisikovi lesu
Vakasamataka e dua na ituvaki tawalokuci, oti mo vakatovotovotaka nomu tekivuna na veivosaki
Veivosakitaka nomudou isausau me vakalevutaki nomudou cakacaka vakaitalatala ena vula ni iVakananumi se ni o cegu vakalekaleka mai na cakacaka se koronivuli

KA E YAGA ENA VUVALE:

Vakatovotovotaka na ka me tukuni ena dua na ituvaki e basika se rairai basika, me vaka na nomudou tawaveitovaki, veisagai (bullying), vakaitau, se soqo ni olodei
Mo dou vakatovotovotaka na veisau ni itavi: mera itubutubu na gone, mera gone na itubutubu. Mera vakekeli na gone ena ulutaga, oti ra qai vakamacala vei ira na itubutubu

ESO TALE NA VAKATUTU:

Me saravi qai veivosakitaki e dua na porokaramu ena JW Broadcasting^®
Dou wilika e dua na ulutaga se sarava e dua na vidio ena jw.org, oti qai veivosakitaka
Veivosakitaka e dua na ka mai na iwasewase “iTabagone” se “Gone” ena IVAKAVUVULI VAKAIVOLATABU ena jw.org
Railesuva na ka dou vakavola mai na soqo ni veiwasewase se soqo ni tabacakacaka
Dou dikeva se vakekeli ena dua na ka e bulia o Jiova qai veivosakitaka na ka dou vulica kina me baleti koya
Eso na gauna, dou sureta e dua tale me tomani kemudou ena sokalou vakavuvale, oti me vakatarogi
Me tiko nomudou isausau vakayalo, dou veivosakitaka na sala me rawati kina
Dou cakava vata e dua na ka e tukuni ena iVolatabu me vaka na waqa i Noa, na mape se kato ena New World Translation se noda ivola

Sarava na VIDIO Vakavinakataka Tiko ga Nomu Sokalou Vakavuvale. Oti qai taroga:

Na cava me cakava na ulunivuvale me marautaka kina o watina na sokalou vakavuvale nira sa sega ni tiko e vale na gone?

Nomu isaunitaro

8. Vuli iVolatabu ni iVavakoso

(30 min.) bt wase 13 ¶17-24

iTinitini ni iVakamacala (3 min.) | Sere 123 kei na Masu

IVOLA NI SOQONI NI BULA VAKARISITO KEI NA CAKACAKA VAKAITALATALA

iTuvatuva ni Soqoni ni Bula vaKarisito kei na Cakacaka Vakaitalatala ni Okosita 5-11, 2024

vakaViti

iTuvatuva ni Soqoni ni Bula vaKarisito kei na Cakacaka Vakaitalatala ni Okosita 5-11, 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 Julai t. 10-16

Na Website ni iVakadinadina i Jiova

Okosita 5-11

SAME 70-72

Sere 59 kei na Masu | iTekivu ni iVakamacala (1 min.)

IYAU MAI NA VOSA NI KALOU