Ra iTubutubu, Tuberi Luvemuni Mera Vinaka Era dau vinakata na itubutubu era rerevaka na Kalou mera sokaloutaki Jiova ena yalodina na luvedra. E rawa nira vukei luvedra sara ga nira se gonedramidrami me tugani i lomadra na ivakavuvuli vakaivolatabu. (Vkr 6:7; Vvb 22:6) Vakacava, ena vinakati moni vakuai kemuni? Io! Ena yaga dina na sasaga qori.—3Jn 4.

E rawa nira vuli vakalevu na itubutubu vei Josefa kei Meri. E dau ‘kena ivakarau me rau lako i Jerusalemi e veiyabaki me rau lai tiko ena soqo ni Lakosivia,’ qai vinakati kina na sasaga kei na ilavo. (Lu 2:41) E bibi duadua ena nodratou vuvale na veika vakayalo. E va tale ga qori na ka e rawa nira cakava nikua na itubutubu, oya mera dusimaki luvedra nira vakayagataka na gauna kece era rawata mera vakavulici ira kina ena ka era tukuna kei na nodra ivakaraitaki.—Sm 127:3-5.

SARAVA NA VIDIO RAU VAKALIUCA NA VEIKA VAKAYALO, QAI SAUMA NA TARO QO:

• Rau vakaliuca tiko ga vakacava na Matanitu ni Kalou o Jon kei Sharon Schiller ni rau qarava tiko nodrau vuvale?

• Na cava mera veisautaka kina na itubutubu na iwalewale ni nodra veivakavulici me ganiti luvedra?

• Era na vakarautaki ira vakacava na luvedra na itubutubu mera dei ni vakatovolei nodra vakabauta?

• Na ivukevuke cava e vakarautaka na isoqosoqo i Jiova o sa vakayagataka me toso kina vakayalo o luvemu?