Na cava meda digia vinaka kina na ka ni veivakamarautaki? Nida digia na iyaloyalo meda sarava, sere meda rogoca, na website meda raica, ivola meda wilika, se qito ena vidio, eda sa digia sara tiko ga na ka meda vakatawana ena noda vakasama. Na ka eda digia ena laurai ena noda itovo. Ia e levu na ka ni veivakamarautaki sa tu nikua, e okati kina na veika e cata o Jiova. (Sm 11:5; Kal 5:19-21) Oya na vuna e uqeti keda kina na iVolatabu meda dau vakananuma na ka e rokovi kina o Jiova.—Flp 4:8.

SARAVA NA VIDIO NA KA NI VEIVAKAMARAUTAKI CAVA MEU DIGIA? QAI SAUMA NA TARO QO:

• E tautauvata vakacava na qito rerevaki e Roma ena gauna makawa kei na so na ka ni veivakamarautaki nikua?

• Eda na vukei ira vakacava na itabagone na lewe ni ivavakoso mera digia vinaka na ka ni veivakamarautaki?

• Ena yaga vakacava na Roma 12:9 nida digia na ka ni veivakamarautaki?

• Na cava eso na ka ni veivakamarautaki kilikili ena vanua o tiko kina?