Era tiko ena noda ivavakoso eso e sa vakayabaki nodra qaravi Jiova. Eda rawa ni vuli ena nodra nuitaki koya. Meda tarogi ira ena itukutuku me baleta na isoqosoqo, kei na ituvaki dredre e tokoni ira kina o Jiova. Rawa mada ga nida sureta e dua ena noda Sokalou Vakavuvale me talanoataka eso na irogo.

Ke o dua na lotu vaKarisito matua, mo talanoataka vei ira na itabagone na sala e tokoni iko kina o Jiova. Erau talanoataka qori o Jekope kei Josefa vei ira nodrau kawa. (Vte 48:21, 22; 50:24, 25) Dua na gauna e muri, e vakaroti ira na ulunivuvale o Jiova mera dau vakavulici luvedra ena nona cakacaka veivakurabuitaki. (Vkr 4:9, 10; Sm 78:4-7) Nikua, e rawa nira talanoataka na itubutubu kei na so tale ena ivavakoso vei ira na gone, na veika vakatubu qoroqoro e cakava o Jiova ena nona isoqosoqo.

SARAVA NA VIDIO DUAVATA TIKO GA NI VAKATABUI NA CAKACAKA, OTI QAI TAROGA:

• E veivuke vakacava na valenivolavola ni tabana e Austria vei ira na tacida era tiko ena vanua e vakatabui tu?

• Era vaqaqacotaka vakacava na tacida ena veivanua qori na nodra vakabauta?

• Na cava era biuta kina na isoqosoqo i Jiova eso mai Romania? Era qai lesu mai vakacava?

• E vaqaqacotaki vakacava nomu vakabauta ena irogo qo?