Rarawa na Turaga Yalodina o Jope
Dua na ka na rarawa i Jope, e vakaloloma qai tauvi koya e dua na mate mosimosi, ia e yalodina tiko ga. E vakayagataka o Setani na ituvaki qori me vakayalolailaitaki koya me kua kina ni yalodina. Eratou gole sara yani na tolu na “itokani” i Jope. Ratou vakaraitaka e matanalevu nodratou lomani koya. Ia ena loma ni vitu na siga ratou tiko vata kina, ratou sega vakadua ni tukuna e dua na ka me vakacegui Jope. Eratou vakalewai koya.